Dits die Excellente Chronijcke van Vlaenderen (1531)

Dits die Excellente Chronijcke van Vlaenderen

(1531)–Anoniem Dits die excellente cronike van Vlaenderen– rechtenstatus

Auteursrechtvrij

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

Vorige Volgende


¶ Dit es den Tijtel vanden Hertoghe Maximiliaen. MAximiliaen byder gracien gods Archeduc, hertoge van Oostenrijck, van Bourgoengien, van Lotrijcke, van Brabant, van Stiere, van Charinthen, van Chariole, van Lymburch, van Lutcenburch, ende van Gheldre. Graue van Vlaendren, van Thirol, van Artoys van Bourgoengien, Palatijn van Henegauwe, van Holland, van Zeelant, van Namen, ende van Zutphen, Marcgraue des helichs rijcx, here van Vrieslant, van Salijnes, ende van Mechelen. ¶ Aldus hanghen dye Tafereelen sint Saluators. Eerst aen die Suytsijde. Eerst die hertoghe Maximiliaen Ian coninck van Aragoen ende van Nauarre Ferrant coninck van Napels Anthonis van Croy graue van Porchieu Ian de Meluun here van Antoengne Ian de Neufcasteel here van Montaghu Phelippe potheere de la roose Lodewijc van brugge graue van wijncsestre
[Folio CC.iij.r]
Phelips van crieuecuer, heere van Coordes Iaques van Lutchenburch Ian van damas here van Clessy Lodewijc de halon, here van casteel guyon Phelips van Sauoye here van Besse Ian van Lutcenburch graue van meerle Phelips van croy graue van Symay Ian de roukempre heere van Beuere ¶ Aen die Noortsijde. Edewaert Coninc van Inghelant Ferrant van castijlgien prinche Daragon Ian hertoghe van Alentson Begghe de lannoy here van Moulenbas Simoen de la layn here'van Montaghu Heyndric van borssele heere vander veke Ian van Anchyber Reynout van Breederoede Ian hertoghe van Cleuen graue van marcke Ian van lannoy heere van lannoyt Anthonis bastaert van Bourgoengien Adolf van cleuen here van Rauesteyn Adolf hertoghe van Gheldre Ghy van Hymbercourt, graue etc. Inghelbrecht graue van Nassauwen ¶ Dese naeruolghende heren sijn ghepresenteirt die oordene vanden gulden Toysoene. Eerst die keyser vanden roomschen rijcke. Die coninck van Hongheryen Den rijcken hertoghe van Beyeren Die hertoghe van Zassen De marckijs van Brandenburch De marckijs van Baden Die graue van Rommondt ♠ Die graue van Simpol Die Palsgraue Mer ioos de la lain hofmeester vanden prince Die here van Fyenes Ende daer was een nyeu rudder ghemaeckt meester Ian van Bouueryes
[Den tweeden dach van meye en den ij.sten dach van Meye] ¶ Item des anderdaechs sauents, ende was vrydach, ende meydach, so quamen die voorseyde heeren weder in ordonnancie ter Vigelyen waert, al ghecleet int swarte, ende vp den tweeden dach van meye quamen sy weder ter sielmesse, offerende ouer alle sielen naer die costume. Ende onder die Tauereelen van den Toysoenen, daer die heren doot of waren, daer hinc een swart laken. Ende ooc die wapenen vanden seluen dooden heeren ne hadden gheenen tymmer bouen, maer hinghen aen riemkins van pointratueren. Ende vp den seluen.ij.sten dach van Meye quam sulcke nieumare vanden fransoysen int hof vanden prinche, als dat die prinche binnen den seluen auende ontrent den.ix.hueren inden auent, met sijnen volcke track te Ghendt waert omme met haesten bi sijnen volcke te wesene Ende si reden naer Eeclo, daer sauents spade was een bancket ghereet ghemaeckt, ende naer den banckette dedemen den prinche verlichtinghe van sijnen harnassche, ende si reden alle den nacht tot dat si te ghendt quamen, twelc was smorgens ten.iiij.hueren inden nuchtenstont. Aldus en sach die prinche vp dien tijt nyet den ommeganc van Brugghe, daer nochtan om sijnen wille grooten cost ghedaen was, meer dan men ghewoonlic was van doene, want alle dye schotters vanden drie boghen waren al nyeuwe ghecleet. Ende die spelen van thouekin, van tauentmael, ende meer andere sticken der Passien ons heren aengaende, warender ghetoocht, twelck seer rijckelick om sien was, ende binnen meneghen iaren nyet ghesien en hadden gheweist. Maer die princersse die bleef te Brugge, ende dye sach al die chierlichede diere ghedaen was. ¶ Item die poorters ende ooc vele ambochten hadden groten cost ghedaen van nieuwen abyten te makene, ende dat al ter eere van den hertoghe Maximiliaen, ende van sijnder Princersse.
[Den vierden dach van Meye] ¶ Vp den vierden dach van Meye, ende was een maendach, doe reden eeneghe vanden heren die nyewelinghe die oordene ontfanghen hadden, alle in witten abijten ter kercke waert metten Eraulden voor hem lieden, ende die Tresories, ende Secretaresen, naer die costume. Ende me vrauwe van Bourgoengien quam oock ter kercke met haren state, daermen datmen sanck een solempnele messe vanden heleghen gheest. Ende dit waren die heren die met haer reden. Die graue van Rommondt Die graue van Simpol Ende mer Ioos de la lain
[Den.v.sten dach van Meye] ¶ Vp den.v.sten dach van Meye, soe reden weder met state ter kercke dese naeruolgende heren, met haren costelicken peersche
[Folio CC.iij.v]
fluweelen mantels aen. Ende die Erauden ende Secretaresen vanden Toysoene met hem lieden seer costelic ghecleet. Ende dit waren die voorseyde heeren. Mijn heere van Rauesteyn Mijn heere van Lannoyt Mijn heere vanden Gruythuyse Mijn heere van Symay
[Den vi.sten dach van Meye] ¶ Item vp den seluen tijt dat die prinche aldus besich was met sinen toysoene te brugghe, doe so waren die fransoysen met grooter macht voor dye stede van Condeyt. Ende daer was binnen een Capiteyn, gheheeten mijn heere van Mijngheuael, die welcke hadde by hem vele diueersche saudenieren, die hem vromelicke weerden. Maer die fransoysen deden so groote cracht vp die stede van Condeyt, dattet een wonder was, also dat die duytschen droughen ouereen dat si ter sijden huyt trecken souden, ende bespringhen die fransoysen van achter, het welcke mijn heere van Mijngheuael wel ghenouchde, ende hi lietse huyt trecken. Maer also gheringhe als die duytschen huyt waren, so woudemen segghen dat hi die stede ouer gaf, in den handen vanden fransoysen, ende hi vloot naer Oudenaerde, ende quam hem seere excuseren yeghens den Prinche, maer die duytschen seyden hem aen, dat hi wech ghelopen was, ende si deden so vele dat hi gheuanghen was, ende gheuoert binnen den casteele van Repelmonde. Ende dit gheuiel vp den vi.sten dach van Meye vp eenen woensdach. ¶ Item die hertoghe Maximiliaen track terstont binnen der stede van Haet in Henegauwe, teghen sijne vianden, ende van daer binnen Berghen. Ende die Prinche was ontrent.xvi.duysent mannen sterck. Ende hi ende sijne vianden en waren bouen drie mijlen niet verscheeden.
[Den.viiij.sten dach van Meye] ¶ Vp den.viiij.sten dach van Meye drouch men te Brugghe eene deuote precessie generale, metten drie fierters, sinte Donaes, sinte Baselis, ende sinte Loy. Ende ghinghen die voorseyde processien huyter burch duer de hoochstrate, voor by den Iacoppijnen ouer Deecoutbrugghe totter marckt, duer die steenstrate, voorby sinte Saluators, duer die dweerstrate, voor by mijns heren hof, voor die boornecamere, ende voor by sinte Christoffels kercke, ouer die plaetse mauberch, weder tsinte Donaes daer elc priestere ende elck kint in die processie droughen een barnende keerse in die hant, ende menich andere deuote mannen ende vrauwen droughen barnende keersen van wasse, twelc seer deuoot om sien was, ende vele lieden ghinghen vullen ende baeruoet. Ende mijn here van Doornicke ghinck mede in die voorseyde processie, ende dede selue die messe te sinte Donaes. Ende dyt was om gode te biddene by sijnder gracie, om victorie te hebbene yeghens die vreeselichede vanden coninck van Vranckerijcke, waer of dese vier reghelen bewijsen Tincarnacioen. O weerde patroonen hebt onser vyseye Versaghende der gallen wreede porreye Wy droughen hu op den achsten van Meye Nv behoet onsen prinche van ghescreye ¶ Hier naer volcht een ander Incarnacioen in walsche. Saint donaes saint boniface saint eloy Impetrees nous victore contre le Roy Qui riens ne tient, ne sel ne soy
[Den.xvi.sten dach van Meye. Anno.lxxviij] ¶ Vp desen seluen tijt, so bleef me vrauwe van Bourgoengien in haer hof te Brugge daermen groote ghereeschap maecte yeghens haer gheligghen, want si seer swaer met kinde ghinc. Ende midts dien dat si soe naer haren tijt ghinc, soe was dat weerde helich bloet van eenen priestere al ghecleet, ghedreghen tot haer met barnenede toortsen. Ende eeneghe vanden gheselschepe vanden heleghen bloede, die ghinghen mede met hueren keerels van cleedinghe, maer thelich bloet was ghedreghen ouerdeckt met eenen rooden fluweelen cleede. Ende dit was vp den.xvi.sten dach van Meye. Anno.lxxviij.binnen der tijt vanden pardoen ende gracien.

Vorige Volgende

Over het gehele werk

landen

Over dit hoofdstuk/artikel

datums