Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[¶ Hier naer volcht doordonancie vanden parlemente]

¶ Hier naer volcht doordonancie vanden parlemente, nieuwe lincx gheordonneirt byden Hertoghe kaerle, ende ghehouden in sijne stede van Mechelen.

[Den derden dach in Lauwe]

ANno.M.iiij^c.ende.lxxiij.den derden dach in Lauwe doe gheschiede tghene dat hier nae ghescreuen staet, als dat hi maecte een quantiteyt van eeneghe van sijnen heren, heren vanden parlemente van Mechelen.

¶ Dit sijn die heeren vanden parlemente.

¶ Eerst die Hertoge Karel van Bourgoengien, die welcke es thooft van iusticien.

Mijn here dye Cancelier es thooft in dabsencie van mijn here Chaerlois. Mijn here van Doornicke es thooft vanden groten rade in die absentie van mijnen heere die Cancelier.

Mer Ian tarulos deerste president

Mer Ian de bouueryes die.ij.president

      ¶ Raden vanden houe.

Mer Ian de poumiers

Mer Symon de la layn      ♠

Mer Guwy van Brymuer

Mer Anthonis de monthieu

      ¶ Meester vanden requesten.

Meester Athar de long

Meester Ian Iaquelijn

Meester Bernaert die pottere      ♣

Meester Guillame de clingy

Meester Guillame Rutsefoort

Meester Thomaes du playne

      ¶ Noch andere raden vanden houe

Meester Ian de Iuuely

Meester Folkaert merkeghem

Meester Pieter Beylfroot

Meester Guillame de clingi die ionghe

Meester Ian du boys

Meester Phelips wyelant.

      ¶ Clercken vanden rade.

Meester Adriaen die poortre

Meester Ian Vincent

Meester Pauwels de rota      ♣

Meester Lowijs verry

Meester Ian vande vakerye

Meester Phelips bruneeu      ☩

Meester Anthonis Gheeraert

Meester Ian Rottelijn

Meester Rijquaert vander cappelle

Meester Ferrant du Lucrone

meester Ian de leeu.meester Ian de gordges

      ¶ Thooft vanden husiers.

Meester Robert de Hesdijnc.

      ¶ Nota.xij.husiers ordinaris.

[Den derden dach van Lauwe]

¶ Ende es te wetene dat dese voorseyde heren daden huere incomste in die stede van Mechelen, den derden dach van Lauwe. Anno.lxxiij. Ende die heren vander wet vander stede, ende dye notabele poorters reden yegens die voorseyde heren, ende si ontfingense heerlicke, ende reden met schonen state in, tot vp der stadt huys, ende daer ghingen die heren vanden partlemente sitten, som ghecleet met rooden cleederen, som van scaerlaken, ende som roseyt scaerlaken of met mereyde, te wetene oock met gheuoerde caproenen, keerels, clocken, totten voeten ghelijc senatuers van Roome. Ende die heren vander camere vander rekeninghe die plochten te stane te Rijssele, sijn gheuoucht metten anderen heeren te samen te Mechelen. Ende tsegghen was datmen hem lieden maken soude een schoon huys ofte hof, daer inne dat men dagelicx houden soude het voorseyde parlement, naer dye maniere als dat behoort.

[Vp den.vij.sten dach van Septembre]

¶ Item vp den.vij.sten dach van Septembre.Anno.lxxiij.was den groten brant te Brugghe in die witte leirtauwers strate, ende in die swarte leirtauwers strate, doen verbarnde dye backers cappelle, ende haer schoon achter huys, ende meer dan hondert eerdtsteden. In dit Incarnatioen.

¶ Crachtich brant in swarer ghestoorte
Leet brugge sdaechs voor marien geboorte