Een devoot ende profitelyck boecxken

[p. 273]

⁺

+ Fo. C.xxij.^v-Fo. C.xxiij.^r

N^o. CCXXXVI.aant.

1.
Iesus kerst van Nazareene
Hi is gheboren van eender maghet reene
Daer om is God ghebenedijt.
2.
Alle die engelen van hemelrijc
Ende al die herderkens van aertrijc
Sij songen/ si hadden groot iolijt
Iesus kerst van nazareene. &c.
3.
Herodes die heuet vernomen
Daer is een nyeu coninc gecomen
Die rijcker soude sijn dan hi.
Ie. ||
4.
Herodes heuet ghesworen
Hi sal alle kinderen dooden in thoren
Die onder die twee iaren sijn
Iesus kerst van nazaree. &c.
5.
Hi dede soecken hier en daer
Ionge kinderkens van twee iaer
Die dede hi alle nemen dlijf.
Iesus kerst van naza. &c.
Doen Maria dat verhoorde
Datmen alle kinderen vermoorde
Des leedt si in haer hert verdriet
Iesus kerst van nazareene. &c.
7.
Si sprac tot Ioseph sonder sparen
Maect v bereet/ laet ons gaen varen
Wi souden wech sijn/ tis meer dan tijt
Iesus
8.
Maria quam aldaer gheuaren
Dair een man sijn coren ginc sayen
Si groete hem ende reet voerbi.
Ie
9.
God groet v man diet coren saeyt
Comter yemant die v na mi vraecht
So segt dat ic hier leden ben.
Iesus kerst. &c.
10.
Doe Maria was wech gheuaren
Doen quam Herodes met sijnder scaren
Dat coren was rijp ter seluer tijt.
Iesus
11.
God groet v man die mayt v coren
Saechdy hier eenige vrouwe te voren
Die met haer hadde een kindekijn.
Iesus
12.
Doen ic hier sayde dat ic nu maye
Doe sach ic hier een schoon vrouwe varen
Si was ghecleet met wit habijt.
Iesus kerst van naza. &c.

[p. 274]

 

⁺

 

13.

 

Herodes sprac tot sinen heeren

 

Wij willen weder thuyswaert keeren

 

Si mach wel wten lande sijn.

 

Iesus kerst. &c.

 

14.

 

Herodes sprac tot sinen lieden

 

Hoort wat ic v fal ghebieden

 

Gaet henen soect dat kindekijn

 

Iesus kerst van nazareene. &c.

 

15.

 

Si ghingen van lande te lande varen

 

Die onder de twee iaren waren

 

Die dooden sij tot alder tijt

 

Iesus kerst. &c.

 

16.

 

Doen waenden sij dat kindeken te verdoen

 

Mer het was in egipten ghevloen

 

Ten wilde noch ghedoot sijn niet.

 

Iesus

 

17.

 

Duysent ende .xliiij. duysent reyn

 

Waren daer ghedoot kinderen cleyn

 

Sij willen alle Gods engelen sijn.

 

Iesus

 

18.

 

Nu bidden wij desen kinde

 

Dat hi ons allen bringhe

 

Hier bouen in sijn eewich rijck

 

Iesus kerst van nazareene. &c. ||

 

19.

 

Alle die engelen van hemelrijc

 

Ende alle clergie van eertrijc

 

Si verblijt van desen dinck

 

Iesus kerst van nazareene

 

Gheboren van eender maghet reene

 

Daer om is God ghebenedijt

+ Fo. C.xxiij.^r-Fo. C.xxiij.^v