Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 262]
| |
No. CCXXVIII.aant. 1.
O suuer maecht van Israel
Wilt seer verbliden v
Om der schoonder boetscap wil
Die ick v brenghe nu
Benedicta tu in mulieribus Valasus valasus
Aue plena gratia tecum dominus
Benedicta tu in mulieribus.
2.
Al metter boetscap schoone
Die denghel heeft ghedaen
Hebdy van shemels throone
Den heyligen gheest ontfaen
Benedicta tu. &cet.
3.
Als Ioseph dat verstonde
Dat Maria was bevrucht
Hi peysde in sinen gronde
Hem ware beter ghevlucht
Benedicta tu. &ce.
4.
Des hem die enghel schone
Toe sprack/ ende riet
Ioseph Dauids sone
En wiltse begheuen niet
Benedicta tu. &cet.
5.
Noch en ontsiet te nemen
Der moeder Gods Marien
Dat van haer wert gheboren
Sal ons van sonden vrien
Benedicta tu. &cet. ||
6.
Maria ende Ioseph mede
Voeren beyde te samen
Tot Bethleem der stede
Daer sij haer herberghe namen
Benedicta tu. &cet.
7.
In een arm huyseken
Al sonder weeghen oft doren
Om dat si waren van hauen bloot
Moestet hen also ghebueren
Benedicta tu. &c.
| |
[pagina 263]
| |
8.
Alst quam ter rechter middernacht
Soe heeft die maecht ghebaert
Een kindeken van groter macht
Also die enghel ons verclaert
Benedicta tu &c.
9.
Daer baerde die suyuerlike
Den heere ghebenedijt
Van hemel ende aertrijcke
Lof si haer tot alder tijt
Benedicta tu. &c.
10.
Doen sanc met bliden ghescalle
Ioseph alleluya
Ende die enghelen alle
In excelsis gloria
Et in terra pax hominibus
Va la sus/ va la sus
Swighet soete Iesus.
Ghi sijt ons dominus
Et in terra pax hominibus
11.
Die herdekens opten velde
Bi haren scapen laghen
Met eender claerheyt snelle
Den enghel dat sij saghen
Et in terra pax homi. &c.
12.
Met groter anxticheden
Werden sij doen beuaen
Die enghel tot hen seyde
Laet v ghedachten staen
Et in terra pax. &c.
13.
Gaet tot Bethleem binnen
Daer suldy nu ten stonden
Iesum Cristum gheboren vinden
In doeckelkijns ghewonden
Et in terra pax homi. &c.
14.
Doen vonden si dat kindekijn
Gheleyt in eender crebben
Van hoye so was sijn beddekijn
Hi en wout niet anders hebben.
Et in terra pax ho. &c.
15.
Tkindeken wert na Moyses wet
Ten achtsten dage besneden
Ouermits sijn grote ootmoedicheyt
In sine ionghe leden
Et in terra pax. &c.
16.
Den naem die hem de engel gaf
Eer dat kint gheboren was
Die wert hem daer ghegeuen.
Iesus men seker las
Et in terra pax homi. &c.
17.
Nu laet ons louen desen heere ||
Die is ghenoemt Iesus
Stillen wi hem hi weent so seere
Ende singhen hem aldus
Te deum laudamus
Vala sus vala sus
Swighet soete Iesus
Ghi sijt onse dominus
Te deum laudamus.
|