Een devoot ende profitelyck boecxken

[p. 260]

⁺

+ Fo. C.xvij.(bis)^r-Fo. C.xvij.(bis)^v

N^o. CCXXVII.aant.

1.
Een vrolijc nieuwe liet
This beter wat dan niet
In Bethleem yst ghesciet
Dat kindeken dat Iesus hiet
In armoeden ende in verdriet
Somen daer mach aenscouwen
Al in so groter couwen
2.
Coninck van groter macht
Ghesproten wt dauids geslacht
Hi is so langhe verwacht ||
Nu leyt hi al ongheacht
Al inder duyster nacht
Hi is nu knecht gheboren
Die groote heer was te voren.
3.
Dat costelijc kindekijn cleyn
Ghegeuen ons ghemeyn
Der werelt heere alleyn
Die moeder is maghet reyn
Ick segghe v dat certeyn
Grote coude heeft hi ghedragen
Met tranen mocht bijt claghen
4.
Daer waren menich winden stoot
Rijm/ haghel/ drifsneeu groot
Dat kindeken lach daer al bloot
Sijn ledekens waren roor
Peyst hoet der moeder verdroot
Dat si hem niet en mocht winden
In veyskens wollen oft linden.
5.
Wat armoede most daer sijn
Daer dat soete kindekijn
Van conde leedt grote pijn
Maria maghet fijn
Daer en was gheen sonnescijn.
Noch vier om bi te wermen

[p. 261]

 

⁺

 

Mensche laet v des ontfermen

 

6.

 

Ioseph suyuer vat

 

Verdriet hebdy ghehadt

 

Als ghi moste liden dat

 

Dat Maria opter aerden sat

 

Met soe costeliken schat

 

In sulcken couden weder

 

Bi twee stomme beesten neder

 

7.

 

Wt vrienden ende maghen

 

In soe couden daghen

 

Ghi en mochtes niemant clagen

 

Ghi hebt die sorghe ghedragen

 

Voer die int kinderbedde laghen

 

Dat kindeken met sijn moeder

 

Ghi waert haer trou behoeder

 

8.

 

Dat weder was seer cout

 

Dat kindeken en was niet out

 

Daer en was torf noch hout

 

V sorghe was menichfout

 

Cleyn was v siluer v gout

 

Want ghi den cost ghinct halen.

 

Hoe mocht ghijt al betalen?

 

9.

 

Dat kindeken teer van leden

 

Dat bouen is in vreden

 

Na die ioetsche seden

 

Woudet sijn besneden

 

Daer si hem grote pine deden

 

Sijn bloet wilde hi ons gheuen

 

In sinen soe ionghen leuen.

 

10.

 

Hoe heeft hi ons bedocht

 

In sijn heylich herte gheknocht

 

Een groot wonder ghewrocht

 

Heerlijck is hi versocht

 

Hem is groot offer brocht

 

Gout/ wieroock/ ende myrrhe ||

 

Sij vonden hem bider sterre

 

11.

 

Laet ons te Bethleem gaen

 

Die met sonden sijn beuaen.

 

Ende voer dat cribbeken staen

 

Ende weenen menighen traen

 

Gods toorn is al ghedaen

 

Hi en sal ons niet verdoemen

 

Als wij ten ordeel sullen comen.

+ Fo. C.xvij.(bis)^v-Fo. C.xvij.(bis)^r