Een devoot ende profitelyck boecxken

[p. 256]

⁺

+ Fo. C.xv.(bis)^r-Fo. C.xv.(bis)^v

N^o. CCXXV.aant.

1.
Met desen nieuwen iare
So wort ons openbare
Hoe dat een maecht vruchtbare
Die werelt heeft verblijt
Gheloeft moet sijn dat soete kindekijn
Gheeert moet sijn dat soete mechdekijn
Nu ende eewelijck in alder tijt.
2.
Hoe wel was haer te moede
Doen si in vleesch ende bloede
Aensach haers herten hoede
Den heere der werelt wijt
Gheloeft moet sijn. &c.
3.
Sy baerde hem sonder pine
Ende bleef een maghet sine.
Des sondaers medecine
Dies hebben die ioden spijt
Gheloest moet sijn. &c.
4.
Die engelen songen schone ||
Glorie inden throone
Ter eeren ende te lone
Den kinde ghebenedijt
Gheloeft moet sijn. &c.
5.
Dat kint van duechden rijcke
Bracht ons hier in aertrijcke
Den vrede ghewaerlijcke
Die herden hadden iolijt
Gheloest moet sijn. &c.
6.
Doen acht dagen waren leden
So wert Iesus besneden
Al na die ioetsche seden
Dwelc ons van sonden vrijt
Gheloeft moet sijn. &c.
7.
Als Symeon die oude
Sach tkint: sijn herte veruronde
Hi sprac dat ons noch soude
Van sonden maken quijt

[p. 257]

 

⁺

 

Gheloeft moet sijn. &c.

 

8.

 

Drie coninghen onbecande

 

Wt Orienten lande

 

Quamen doen offerhande

 

Den kinde/ dyes seker sijt

 

Gheloeft moet sijn. &c.

 

9.

 

Sij seyden/ het waer gheboren

 

Een coninck wtuercoren

 

Der ioden/ welc ons voren

 

Verwinnen soude den strijt.

 

Gheloeft moet sijn. &c.

 

10.

 

Een sterre claer met lichte

 

Beweechde dese bedichte

 

Bi sijnder ghenaden ghiste

 

Altoos sonder respijt

 

Gheloeft moet sijn. &c.

 

11.

 

Doen dat Herodes wiste

 

Sijn herte seere twiste

 

Hi vraechde daer na met liste

 

Nochtans so hadde hijs nijt

 

Gheloeft moet sijn. &c.

 

12.

 

Hi badt hen als sijt vonden

 

Dat sijt hem oorconden.

 

Hi woudet in corten stonden

 

Aenbeden sonder verwijt

 

Gheloeft moet sijn. &c.

 

13.

 

Sij maecten een ghesceyde

 

Sij reden met arbeyde

 

So hen die sterre leyde

 

Tot in des kints berijt

 

Gheloeft moet sijn. &c.

 

14.

 

Den veerthiensten dach sijt vroeder

 

Sij vondent bider moeder

 

Ioseph was sijn behoeder

 

So ons scrifture belijt Ghelo.

 

15.

 

Myrrhe offerde Iaspar

 

Wieroock die coninc Melchior

 

Daer na gout Balthazar.

 

Dies niet en ghelooft/ vertijt

 

Gheloeft moet sijn. &c.

 

16.

 

Als ses weken vol quamen

 

Si stont op na tbetamen ||

 

Bevrijdt van alder blamen

 

Om na te volghen die wet

 

Gheloeft moet sijn. &c.

 

17.

 

Dus ghinc Maria simpel

 

Ende droech haer kint ten tempel

 

Allen vrouwen tot een exempel

 

Dies haer niet en vermijt

 

Gheloeft moet sijn. &c.

 

18.

 

Elck vrolijck si hier ane

 

Bidt hem nu ende vermane

 

Om ons bi hem te ontfane

 

Eer ons die doot verbijt

 

Gheloeft moet sijn dat soete kindekijn

 

Gheeert moet sijn die lieue moeder sijn

 

Nu ende eewelijc in alder tijt.

+ Fo. C.xv.(bis)^v-Fo. C.xvi.(bis)^r