Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise.1.
NU laet ons dancken ende louen
Den hoogen God van hier bouen.
Die waerheyt en is niet ghelogen
Dat voghelkijn
Een pellicaen mach hi wel heeten
Hi is soe sijn
2.
Te Nazareth is hi ghecomen
Een tortelduue heeft hi vernomen
De welc ontfinc tot onser vromen.
Dat voghelkijn
Een pellicaen mach hi wel. &c.
3.
Doen nam Ioseph ter stont die goede
Die tortelduue in sijn behoede
Dat wilde hi so ick beuroede
Dat vogelkijn Een pelli. &c.
4.
Neghen maenden was ghedraghen
Die duyue/ ten sijn gheen saghen
Sij aenbaden ooc alle daghe
| |
[pagina 255]
| |
Dat vogelkijn Een pelli. &c.
5.
Dat huys des pays hadde hi vercoren
Daer in wast dat hi was gheboren
Daer mede hielt hi dat was verloren
Dat vogelkijn Een pelli. &c.
6.
Dits eenen ghier nu comen te voren
Ende heeft dies in sijn herte thoren
Ende ducht dat hem noch sal becoren
Dat vogelkijn Een pellicaen
7.
Sijn clauwen heeft die ghier ontdaen
Ende wilt begripen den pellicaen
Het is om niet/ hy is ontgaen
Dat vogelkijn Een pellicaen
8.
Aldaer Ioseph lach en sliep
Een heylich enghel tot hem rien
Staet op Ioseph in egipten vliet
Dat vogelkijn Een pelli. &c.
9.
Doen woude die ghier van rouwe steruen
Om dat hi des vogelkens moeste deruen
Menich ionck dede hi daer om steruen
Dat voghelkijn Een pellicaen mach hi. &c.
10.
Als den tijt was ouerleden
Van twee en dertich iaer/ dat || is waerhede
Track hi tot Iherusalem der stede
Dat vogelkijn Een pellicaen
11.
Daer wert gheuaen die pellicaen
Ende sooch die ionghen met sinen bloede saen.
Met grooter ootmoet die hem quam aen
Dat voghelkijn Een pellicaen mach hi. &c.
12.
Nu laet ons bidden met herten goet
Dat hi ons behoede voer die helsche gloet
Die voer ons storte sijn bloet
Dat voghelkijn
Een pellicaen mach hi wel heeten
Hi is soe fijn
|
|