Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 243]
| |
No. CCXII.aant. | |
ℂ Die wise alst beghint 1.
O lustige amoreuse gheesten
Wacht v van sonden so doedy wel
Al doet v die werelt soe groote feeste
Haer auontuere die is so sel
Si toont int ierste iolijt ende spel
Int eynde stroyt si haer fenijn
Scheyt van des vyants loose stricken
Vliet vander werelt al yst v pijn
2.
Och ionghe sinnekens slaet op v oogen
Ende siet wel toe hoe dat gaet
Aenmerct hoe menighe dat sijn bedroghen
Bi deser valscher werelt quaet
So wie dat volcht haren raet
Hi sal certeyn bedroghen sijn
Scheyt van des vyants loose || stricken
Vliet vander werelt al yst v pijn
3.
Waer is nu Salomon die wise
Waer is die schone Absolon
Ende Alexander van hoogen prise
Die doot heeftse alle in hair baroen
Och ionghe herten wilt dit beuroen
Tis beter spieghelen/ dan spieghel te sijn
Scheyt van des vyants loose. &c.
4.
Al had ic al der philosophen consten
| |
[pagina 244]
| |
Al had ic alder werelt goed
Al hadde ic alder menschen gonsten
Al hadde ick aertrijck in mijn behoet
Wat yst als ict al laten moet
Anders dan druc en swaer verdwijn
Scheyt van des vyants loose. &c.
5.
Och boe mach hem dan steruens lusten
Die altijt leest nader werelt iolijt
Haer sinnekens liggen int schijn van rusten
Als sijt meest wachten so sijn sijs quijt
Dan coemt die doot diet al verbijt
Dan moet tgelach gherekent sijn
Scheyt van des vyants. &ce.
6.
Die dit lieken heeft eerst ghesonghen
Een cloosterken heeft si in haer behout
Dat si der werelt nu is ontsprongen
Dies danct si God seer menichfout
Die voer ons sterf aen des cruycen hout
God wil der sielen ghenadich sijn
Sceyt van des viants lose stricken
Vliet vander werelt al yst v pijn
|