Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
ICk sie die morghensterre
Heer God v claer aenschijn.
Daer af ben ick so verre
Dies mach ick wel droene sijn.
2.
Wie is hi die daer singhet
Ende mi niet rusten en laet
Mi dunct dat hi mi dwinghet
Te kennen mijn misdaet
3.
Dat ben ick reden koene
Ick hebt v langen tijt gheseyt
Dat ghi moet gheuen soene
Al duncket v arbeyt.
4.
Och reden laet dat varen.
Ende en spreect daer niet meer of
Wilt God ick sal noch tiaren
Wel quiten mijn belof.
5.
Nature ghi beyt te langhe
Dies ben ick seer veruaert.
Want ons heeft in bedwange
Die doot die niemant en spaert
6.
Waer ic mi wende oft keere ||
Ghi en doet mi gheen verdrach
Altoos wilt ghi mi leeren
Te laten dat ick plach
7.
Conde ic v daer toe bringen
Dat ghi wilde hooren na mi
Wij souden met vruechden singen
Een liet van minnen vry.
8.
Den tijt is om gheleden
Daer coemt mi sorghe af
Dat ic den tijt voerleden
Niet weder halen en mach
9.
Dit sullen wi beclagen seere
In onser herten gront
Dan sal God onse heere
Sijn gratie ons maken cont.
|
|