Een devoot ende profitelyck boecxken

N^o. CCX.

ℂ Op de selue wise/ oft op Had ick eenen ghetrouwen bode.

1.
TIs recht dat wi die maget eeren
Die ons ghebrocht heeft groot iolijt ||
Ende altijt met sange vermeeren
Haer lof haer eere in alder tijt.
2.
Ick worde verblijt als ic ghewaghe
Die name der maghet seer vruechdelijck
Ghestadighe minne ic tot haer waert draghe
Met reynder herten ghetrouwelijck.
3.
In duechden rijc is si beuangen
Dat alder soetste maechdekijn
Na haer is alle mijn verlangen
Och wanneer sal ic bi haer sijn?
4.
O roosemarine van soeten gueren
Der maechden croone spant ghi alleyn
Aensiet mijn liden ende mijn trueren.
Ontfermt mijns vry edel greyn
5.
In eenen edelen violier
Hebt ghi gheleyt v leuen lanc
Verciert in duechden meniger tier
Ghenadige bloeyende wijngaert ranck.
6.
Een bloeme verciert met hemelschen douwe
Van God voersien doer onsen noot
Troost ghi mi niet vry edel ioncfrouwe
In corter vren so bliue ick doot
7.
This recht dat ghi die moeder sijt
Ende maghet sijt bleuen wtuercoren
Troostersie van alder werelt wijt
Daer God af wilde sijn geboren

[p. 242]

 

⁺

 

8.

 

Ontsangt in dancke minen sanc

 

Die ick v reyn maghet heb ghesonghen

 

In uwen lof valle ick seer cranck

 

Ic moet faelgeren in allen tonghen.

+ Fo. C.xvi.^r-Fo. C.xvi.^v