Een devoot ende profitelyck boecxken


N^o. CCIX.aant.aant.
ℂ Op de selue wise/ oft op Het reedt een ridder wt iaghen. 1. ICk drage dat liden verborghen Besloten in minen gront. Van tsauonts totten morghen Worde ick daer af ghewont 2. Daer comt so menich versuchten Al wter herten mijn Waer sal ick henen vluchten Ten mach niet anders sijn.
[pagina 241]
Ga naar margenoot+ 3. Ick had eenen vrient vercoren Ende nu en vinde icx niet Die vrienscap is verloren Ontrouwe is mi gheschiet 4. Ick ben alleen in liden Och lacy ick ben alleen Hoe mach ick mi verbliden Der trouwen en vinde ic gheen 5. O goede heere der heeren Wilt mi in staden staen Waer sal ic henen keeren Ick ben met druck beuaen. 6. Och wat sal ick beghinnen Dat en weet ick waerlijck niet Al in mijn herte van binnen So lide ick swaer verdriet. 7. Hier om heb ic mededoogen Met die in liden sijn Hebt altijt God voer ooghen Der menschen trou is cleyn. 8. Och minne der creatueren Wat hebdy mi ghedaen Om v so moet ick trueren Ende weenen menigen traen 9. Nochtans so wil ick hopen Ende maken eenen moet Sijn gratie staet altijt open. Het sal noch wesen goet. 10. O moeder ende maghet Slaet doch v ooghen op my Mijn herte is seer versaghet Ick bid v staet mi bi.	margenoot+ Fo. C.xv.^v-Fo. C.xvi.^r