Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise.1.
ICk wil mi gaen bekeeren
Ende volghen minen roep.
Ende dienen onsen heere
Is dat niet goets genoech
2.
Ick wil dienen onsen heere
In desen corten tijt
Tot hem wil ick mi keeren
Voort aen met alder vlijt
3.
Tot Gode wil ick mi keeren
In mijnder iongher iuecht
Mijn herte wil ic hem schincken ||
Ende begheuen mi ter duecht
4.
Mijn hert wil ic hem schincken
Nu ende in allen vren
Ende om die werelt niet dincken
Mer dienen God sonder trueren
5.
Ick wil die werelt laten
Si schiet mi valsch fenijn.
Nae Iesum wil ick haken
Hi wil die liefste sijn.
6.
Heer Iesum wil ick minnen
Want hi is ouer al goet
Die menschen wil ick laten
God gheue my goeden spoet.
|
|