Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Dit is die wyse ghelijck alst beghint. || 1.
Ick sie die morghen sterre
Heer Iesus claer aenschijn
Ick groet v sonder merren
Met alder herten mijn.
2.
Och wat mach ic daer hooren
Maken so groten ghebare
Het luyt in minen ooren
Oft gulden herpen waren
3.
O siele wildy mi minnen
Ende mi bekennen bat
Ende mi daer mede ghewinnen
Ick ben dijns herten schat.
| |
[pagina 237]
| |
Och Iesu lief vercoren
Mijn troost mijn toeuerlaet
Verleent mi als te voren
Te volghen uwen raet
5.
Wildy bi rade leuen
So laet dijns selfs raet
Ende willet al begheuen
Daer uwen sin toe staet.
6.
Sijn dit die naeste weghen
Soe ben ick seer veruaert
Nature en wilts niet pleghen
This haren rechten aert
7.
O siele slaet op v ooghen
Siet aen mijn bitter pijn
Mijn edel bloet verdrooghen
Wildy mijn beter sijn.
8.
Wildy mi niet begheuen
Ihesu mijn gulden pont
Soe wil ic alle mijn leuen
V draghen in minen gront
9.
O siele soude ick v laten
Neen ick in gheender stont
Ick ben om uwer baten
Ter doot toe seer ghewont.
10.
O heere bedructe tranen
Gheeft mi doer v ootmoet
Dat ick mids v vermanen
Vercrighe dat eewighe goet
11.
O siele ontfangt die croone
Mijn trouwe gheue ick di
Mi suldy hebben te loone
En scheyt v niet van mi.
|
|