Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
Ick sie mijns leuens eynde
Ende metter werelt schijn ||
Ick worde ghewect met liden
Lof hebbe die heere mijn
2.
Wie eest die daer singhet
Ende mi niet rusten en laet
Dat ick die werelt soude laten
Met alle haer toeuerlaet.
3.
Dat is een knape koene
Een heere die voer v sterf
Wanneer suldy mi loonen
Alle minen swaren arbeyt
4.
O heere sijt mijns genadich
Al doer dijns selfs belof
Ick soude v gaerne dienen
Conde oft mochte ick noch.
5.
Och ay mi lieue siele
Ghi en coemt mi niet so nae
Dat ghi in claren bekinnen
Die waerheyt mocht verstaen.
6.
Alle ons liefs heeren woerden
Sijn euangelien sijn
Daer alle salighe menschen
Af moeten verbetert sijn.
7.
Alle ons liefs heeren leuen
Was bedructheyt ende pijn
O heere hoe derf ic emmermeer
Ghierich oft gulsich ghesijn
8.
Sij sloeghen sijn lichame
Met gheesselen alsoe mat
| |
[pagina 238]
| |
Dat sijn weerde lichame
Van sinen bloede was nat.
9.
Mi wondert alsoe seere
Hoe ick gherusten mach
Dan in dat liden ons heeren
Na mijnder armer macht.
|
|