Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise/ oft op vanden timmerman/ oft op Wij willen ons gaen verheffen1.
Sijt vrolijck/ het is worden dach
Die sonne is op gheganghen
Die heere heeft ghewonnen den slach
Verlost oock sijn gheuangen.
2.
Minne is dat beste goet
Dat ymmermeer mach wesen
Die minne den minnenden mensche doet
Al sonder arbeyt leuen
3.
Minnen wij God eenpaerlijc
Ende schouwen des werelts weghen
Soe moghen wij worden van duechden rijck ||
Ende eeweliken leuen
4.
Ist dat wi Ihesum volghen dra
Eenen corten stont in minnen.
Hi sal ons croonen al hier na
Ende maken ons coninghinnen.
5.
Iesus minne die breede steet
En machmen niet verberghen
Dien Iesus minne int herte leet
Met vreden sal hi steruen
6.
Der werelt minne is fenijn
Die haer mint wort bedrogen
Die menige waent de liefste sijn
Int eynde vint hijt gheloghen.
7.
Daer om en wil ick mi nyet verliesen
Om eenichs menschen loosen waen
Ic wil den soeten Ihesum verkiesen
Van hem wil ic sijn trou ontfaen.
8.
Ic wil hem in mijn herte sluten
Ende houden hem daer in al vast
Ende laten alle dinck van buyten
Ende leuen met hem in groter rast
|
|