Een devoot ende profitelyck boecxken

[p. 235]

⁺

+ Fo. C.xij.^v-Fo. C.xiij.^r

N^o. CCII.

ℂ Op die selue wise/ oft op Wat weder maket daer buyten.

1.
OCh dus en heeft mijn herte gheen vruecht
Voer dat ick Gods aenschijn mach aenscouwen
Hi heeft twee schoon bruyn oogen clear
Hem wil ic altijt sijn getrouwe
2.
Dat mi altoos te liden staet
Wil ic altijt minnelijc verdragen
Ick en weet mijns leuens gheenen raet.
Heere God wilt mijnre ontfermen
3.
Och veel lieuer hadde ick te steruen die doot
Wildese mi God gheuen
So waer mijn trueren al gedaen
In vruechden soude ick leuen
4.
Dat altijt met mi te liden steet
Om Gode soe wil ict liden
Ende laten der werelt ydelheyt
Ende alle het onreyn beniden
5.
Och edel mensche siet voer v
Wij moeten dese werelt laten
Ic bid v allen bidt voer mi
Mijn trueren mach mi niet baten.
6.
Lieue here god troost nu mi
Ende gheeft mijn herte rouwe
Want ic en can niet blide ghesijn
Here God mocht ic v aenscouwen
7.
O minnelike God nu peyst om my
Mijn herte wil mi ontsincken
Ic soude so gaern daer bi v sijn
Al in dat hemelsche rijck
8.
Mochte ick die minne Gods ghebruycken
Ende drincken van dyen edelen wijn ||
So soude mijn herte in vruechden ontsluyten
En van minnen dronckcn sijn