Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise.1.
ICk wil van hier ende dat moet sijn
Vander werelt so wil ick sceyden
Want Iesu du biste een trooster mijn
Nae v so wil ick beyden.
2.
Bethanien is een schone stadt
Van duechden is si rijcke
Hierusalem dat hier bouen staet
Waer vintmen dies ghelijcke
3.
Ic sach mijn heere van hemelrijc
Op eenen ezel riden
Die cleederkens waren hem onder gespreyt.
Daer toe die groene risen.
4.
Doen hi binnen ierusalem quam
Hoe luyde wast dat sij songhen
Ozanna filio Dauid
Vergeeft ons onse sonden
5.
Doen hi aenden cruysboom hinc
Met sinen rooden monde
Dbloet dat tot alle siden wt liep
| |
[pagina 234]
| |
Dat wassche af onse sonden
6.
Die wonden waren also breet
Dat herte wert hem doersteken
O Ihesu ghi sijt een trooster bereet
Nemmermeer en can icx vergheten.
7.
Wij willen gaen onder den cruysboom staen
Ende helpen Iesum trueren
Hi heeft soe veel om ons ghedaen
Het wert hem veel te suere.
8.
Och edel siele dat moet sijn
God iaghet na onse begeerten
Wil Iesus onse hulper sijn
So en mach ons niet ghebreken
9.
Ick danck v lieue heere mijn
Ick danck u uwer goeden
Ghi hebt mi also dier ghecost
Met uwen edelen bloede.
|
|