Een devoot ende profitelyck boecxken

N^o. CXCIX.aant.

ℂ Op de selue wise

1.
ALs ic met mijn lief spelen gaen
Dan is mijn herte met vruechden beuaen
Ende ic mijns selfs ledich staen
Dan vloyt der minnen vloet so saen.
2.
Gods minne moet ons leytsman sijn
Tot in haers selfs wijsheyt
Daer minen geest gaet weyden in
Het welc is vremde minnaers onbereyt
3.
O ouer hoghe triniteyt
Een oorspronc sonder beghinnen
O bloote simpel eenicheyt
Daer alle dingen wonen binnen.
4.
O eenich een ghi sijt so bloot
Van allen namen onbeuaen
Waer minen gheest daer in dinen schoot
Soe waer alle mijn trueren ghedaen.
5.
Och eenich een weest mijn onthout
Ghi hebt v in minen gheest ghebaert
Vrijt mi van allen menichfout
Diep in v ongheaerde aert
6.
O eewich onghescapen goet
Geeft my te kennen met v aenscijn
Wat ghi v liefste vrienden doet.
Die in v hoochste minne sijn.
7.
Ghi sijt dat rijc der sielen mijn
Gheen hert en cans te volle verstaen
Och wie dat daer sal rusten in
Sinen arbeyt die is al ghedaen
8.
So wie Gode vercoren heeft
Te begeuen alle dinc is hem cleyn
Die de werelt ghelaten heest
Van alle beelden blijft hi reyn.
9.
So wie Gode vercoren heeft
tis recht dat hy in vruechden leest
Ende wacht hem dat hi niet en sneue
Noch gods minne niet en begeue.
10.
De engelen die daer bouen sijn
Si barnen inder minnen dijn ||
Want si aensien v schoon aenscijn
Ende daer toe in volle bekennen zijn
11.
Die hoghe seraphinnen dijn
Sijn so verclaert in v aenscijn
Sij dragen hoghe minne daer in
Och mocht ic haer geuoecht zijn
12.
Want sij so diep versoncken sijn
Al inder hoochster minnen vliet
Wie daer in verdroncken is
Och hem is so wel geschiet.
13.
Nu lof en danc v vaderlicheyt
Want v soete volstandicheyt
Int wercken onser menscelicheyt
Der sielen hoochste salicheyt

[p. 233]

 

⁺

 

14.

 

God is een licht een wesen bloot

 

Wt hem so weit die sone ghebaert

 

Wt hen beyden vliet der minnen vloet

 

Elc van hen toent daer sinen aert.

 

15.

 

Si sijn in vaster sekerheyt

 

Al inder hoochster stillen schoot

 

Och daer en is gheen veranderheyt

 

Men pleecht daer lieuekens wille groot

 

16.

 

Die minne en liet hem niet ghedueren

 

Hi en moeste wt sinen vader gaen

 

Dat hoochste werc woude hi volvueren

 

Dat oyt van minnen was gedaen

 

17.

 

God is een oorspronc onser minnen

 

Sijn stralen sijn so veelderhant

 

Hi doerschiet dat herte van binnen

 

Het wort verwonnen al dat hi raect

 

18.

 

Al schiet hi diep en ontsiet v niet

 

Gaet sinen ghescutte te ghemoet

 

Want het is wel een soete verdriet

 

Dat hy der sielen ane doet.

 

19.

 

Hy maket daer hi coemt al beroert

 

Hi werct/ ende der sielen cracht aen doct

 

Si hebben menich toornich woert

 

Hy stelt hen alle haer ghedachten oeck.

 

20.

 

Hi is die al dat merch verteert

 

Hi is der sielen medecijn

 

Hi is al dat die siele begheert

 

Si wil van hem verslonnen sijn

 

21.

 

Hi maecse arm die waren rijc

 

Hi doetse lopen om haer broot

 

Al om zijn minne sekerlijck

 

So heeten si sijn van sinnen bloot

 

22.

 

Hi maectse sot die waren vroet

 

Hi drijftse tot allinde groot

 

Doer hem liden si menige pijn

 

Om sijn minne te vinden bloot.

 

23.

 

O wtuloeyende hoghe triniteyt

 

O minnende vloet/ o diepe eenicheyt

 

O salich || ghebruycken een weselicheyt

 

Der sielen hoochste salicheyt.

+ Fo. C.xi.^v-Fo. C.xij.^r P i