Een devoot ende profitelyck boecxken

N^o. CLXXXIX.aant.

ℂ Op die selue wise

1.
O Heere van hemelrijck
Recht yst dat wij haer louen
Si en heeft gheen ghelijck
Al inden throon hier bouen
Tot haerder weerdicheyt
So eest dat ick beghinne
Minen troost aen haer leyt
Lof Gods apostolinne
2.
Haren naem is sonder waen
Maria magdaleene
Penitencie heeft si ghedaen
Ende wert van sonden reene
Nae Magdalum dat casteel
Hiet si/ Gods liefste minne
Si koos dat beste deel.
Lof Gods apostolinne
3.
Daer Iefus sadt ende adt
Quam si met saluen binnen
Met tranen maecte si nat
Sijn voeten wt groter minnen
Die salue goot si op sijn hoot
Alsoe ic wel bekinne
Si bleef bi hem ter doot
Lof Gods apostolinne
4.
Si verloste vander doot
Als ick bescreuen vinde
Des princen vrouwe groot
Die sterf inder zee met kinde
Te Romen als ick vernam
Track hy bedruct van sinne
Verblijt hi weder quam
Lof Gods apostolinne
5.
Ghelijc die roose root
Is si vol minnen schoone
Si helpt al inder noot
Si blinct nu inden throone
Si verlicht den hemel claer
Ghelijck een seraphinne
Mijn siele beueel ick haer
Lof Gods apostolinne.
6.
Van vrouwen men niet en leest
Die God soe hadde vercoren
Ten hadde Maria gheweest
Daer hi af wert gheboren
Grote eere hi daer bewees
Si was sijn weerde vriendinne
Want hyse selue prees
Lof Gods apostolinne.
7.
Inder woestinen daer si was
Wert si alle daghe verheuen
Vanden engelen als ick las
Die altijt bi haer bleuen.
Aldus ick louen moet
Hoe wel icx niet weerdich en binne
V weerde vrouwe soet
Lof Gods apostolinne.
8.
O weerde vrouwe soet
Van God so hooch ghepresen

[p. 222]

 

⁺

 

Mijn siele na v begheert ||

 

Dat si bi v mach wesen

 

Bidt voer mi suyuer iuecht

 

Dat ick Gods rijck ghewinne.

 

Want ghi dat wel vermuecht

 

Lof Gods apostolinne

+ Fo. C.v.^v-Fo. C.vi.^r