Een devoot ende profitelyck boecxken

[p. 220]

⁺

+ Fo. C.iiij.^v-Fo. C.v.^r

N^o. CLXXXVIII.

1.
Minen gheest is mi ontwaect ||
Hi en can niet meer gheslapen
Wat vruechden dat hi maect
Die doot wil mi betrapen
Hi heeft al sulc beuel
Dat hi nu schier moet henen
Dus mach ick singhen wel
Minen mey die is verdwenen
2.
Verdwenen is minen boom
Daer en is geen vrucht in bleuen
Hoe luttel nam icx goom
Doen hi stont schoon becleuen
Ick was ionck/ dom/ en snel
Nu moet ic suchten en stenen
Dus mach ick singhen wel
Minen mey die is verdwenen.
3.
Die mi in mijnder iuecht
Veel bliscappen aen daden
Sij en sijn van mi niet verhuecht.
Sij en connen mi niet versaden.
So waer dat ict vertel
Ick en weet op niemant beenen
Dus mach ick singhen wel
Minen mey die is verdwenen.
4.
Wat helpt mi nu het iolijt
Dat ick plach te hantieren
Die doot coemt sonder respijt
Hoe schoon wij ons verchieren.
Als ick dit ouer tel
Beghinne ick mi te vereenen
Dus mach ick singhen wel
Minen mey die is verdwenen.
5.
Als ick nu in die aerde si
Waer sal mijn siel dan varen
O God staet mi dan bi.
Ende behoedt mi vander scaren

[p. 221]

 

⁺

 

Des boosen vyants fel

 

Ende van dat eewich weenen

 

Wilt mi dan alsoe wel

 

V eewich rijck verleenen. ||

+ Fo. C.v.^r-Fo. C.v.^v