Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise.1.
O Crancheyt des vleeschs wilt nu v trueren laten
Ende wilt v oogen inden hemel slaen
V menschelike crancheyt regeert nu al bi maten
Want ghi moet doer Christum totten vader gaen.
2.
O christelike broeders hout Gods woert in weerden ||
Die de crancheyt des vleeschs gheuoelende sijt
Om uwen wil so daelde die heer ter aerden
Ende heeft voer v ghegaen inden bitteren strijt
3.
Van een cleyn maechdeken wilde hi sijn gheboren
Die heer die niemant en can verstaen
O cranckheyt des vleeschs ghi hadt ooc moeten smoren
Ende die eewige doot hadt ghi moeten ontfaen.
4.
Mocht onse crancheyt yet hebben verworuen
Ende daer dore ons quaem eenige salicheyt
So waer de heere te vergeefs voer ons ghestoruen
Inder ewicheyt heeft hi ons bereyt.
5.
God kent sijn schapen/ ende sij hooren na sijn stem
Nyemant en machse trecken wt sijnder hant
Sijn woert aenhoert/ want God ghetuycht van hem
Want hi heeft ons verlost wt des duuels bant.
6.
O crancheyt des vleeschs en weset niet so bloode
Al gheuoeldy v inder hellen pijn.
Wat dinc waer Cristus die here v van node
Als ghi meynde selue perfect te sijn.
7.
Doer eenen mensche waren wij al verwesen
Ende moesten die eewighe doot ontfaen
Doer eenen mensche sijn wi alle verresen
Ende sullen doer hem in dat leuen gaen.
8.
Alle die doer Christum salich wil leuen
Die moet veruolghinge liden/ fijt dies wel vroet
Al beghint dat vleesch daer vore te beuen
Doer liden coemt ons dat eewige goet
9.
Wie soude ons van sijnder liefden moghen trecken
| |
[pagina 219]
| |
Die hy vander eewicheyt tot ons draecht
Want die heere gheneest al onse sondige vlecken.
Dit heeft sijnder goetheyt also behaecht
10.
O edel menschen wilt doch hier op achten
Ende wilt Cristum altijt volghen naer
Bi God den vader sal hi v verwachten
Ontslaet v alle sorghen ende anderen vaer
11.
Den princelicken prince hout in v memorie
Want sonder hem en vermoechdy niet
Doer sijn gracie comen wij in || sijn glorie
Want alle vleesch is cranc/ also men siet.
|
|