Een devoot ende profitelyck boecxken

N^o. CLXXXV.

ℂ Op die selue wise

1.
HOe lustelijc is ons dat hemels foreest ontdaen
Daer alle hemelsche lammerkens gaen ter weyden
Met soeten vruchten is dyen boomgaert ghestaen
Mijn siele gaet v daer vrolijck in vermeyden.
2.
Van alfoe schoonder verwen van also soeter locht
Is dat prieel verciert van binnen
Mijn siele/ want ghi verlangen daer na hebt
In hogher begeerten/ in also vieriger minnen
3.
In dit prieel is een fonteyne ghestaen
Si is te mael van also soeten smaken
Het is den leuendigen borne der ghenaden
Wt haer vloeyt ons den dauwe der charitaten.
4.
Wt deser fonteynen vloeyt garnaet der soeticheyt
Ende gaet bouen alle aertsche smaken
Dat is dat ghewonde herte des brudegoms mijn
in hem so sette ic alle mijn vermaken
5.
Och dese fonteyne si is van soeter aert
Men en canse gheblusschen noch nemmermeer ghesluyten
Si heeft in haer den edelen wijn bastaert
Si oueruloeyt alle vijf die conduyten.
6.
In dit soreest soe is een wilt gheiaecht
Op eenen een horen in desen soeten dale
Het heeft gheuangen een ionge suyuer maecht
Ghesloten in haerder maechdelijcker sale.
7.
Och die met dese maecht spaceren mochte gaen
In dat prieel van louelijcken prisen
Sijn hertken dat waer met melodien beuaen

[p. 218]

 

⁺

 

Al door tghebruycken vanden paradise.

 

8.

 

Al waerse mine dese gulden werelt root

 

Dat en conde mijnder sielen niet versaden

 

Dat luyter eens te crighen is swaer

 

O Iesu heere nu gheeft mi v ghenaden.

+ Fo. C.iij.^v-Fo. C.iiij.^r O i