Een devoot ende profitelyck boecxken

N^o. CLXXX.aant.aant.

ℂ Dit is die wise van Pange lingua gloriosi corporis myste.

1.
Nu laet ons allen vrolijck wesen
Wi hebben Iesum self ontsaen
Dat hemels broot || is ons ghegeuen
Der minnen scat is ons ontdaen
Laet ons die spise met minnen begheren
So mogen wi haren smaeck ontfaen.
2.
O edel spise/ o soete rate
In v is alle weeldicheyt
Sij wetent wel die v smaken
Dat ghi die ouerste weelde sijt
Wilt ons versaden met v seluen
Want ghi alleen ons trooster sijt.
3.
Verblidende sullen wij ons verbliden
Als ons den troost wort af ghedaen
Ende wi na die hemelsche sale treden
Ende ter hooger taselen gaen.
Daer salmen eewelijc verbliden
Des en sal gheen eynde sijn
4.
Al dat der sielen mach lusten
Sal daer sijn volcomelijck
Men sal daer eewelijck rusten.
Bliscap ghebruycken vriendelijc.

[p. 212]

 

⁺

 

Ende sijn daer in groter vruecht

 

Daer af en sal gheen eynde sijn

 

5.

 

Nu laet ons bidden den heere der heeren

 

Dat hi ons brenge int soete lant

 

Daer hem die engelen altijt louen

 

Ende singen so soeten sanck.

 

Want ic dat so seer begheere

 

O Iesu dat is v bekant

+ Fo. C.^v-Fo. Ci.^r