Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise.1.
IN liden ende in striden
Ende in menich swaer verdriet
Heeft mi die heere ghelaten
Mijn sinnen willen mi ontsaten
Ick en cans ghedraghen niet
2.
Ick dooghe in mijnder herten
Alsoe ouer grooten pine
Het cost mi alle mijn crachten
Ick en cans mi niet ghewachten
Voer dat ick ontbonden ben.
3.
Waer om willen wij trueren
Het moet doch al gheleden sijn.
Maer als den tijt sal comen
Dat ons alle dinc sal vromen
Dan salt veel anders sijn.
4.
So wie getroost wil wesen
Ghetroost in deser corter tijt
Den troost van deser eerden
En is van gheender weerden
Hi is weynich diemen vint
5.
Alle dinc coemt tot een ende
Sonder die alder liefste mijn
Hi sal oock altoos bliuen.
Men can dat niet bescriuen
| |
[pagina 211]
| |
Wat duecht dat hi werct in mi.
6.
God gheue van sinen goede
Dat moet gheschien in mi
So wordet mi al vergouden
Meer dan ick wercken soude.
Het onbecliuen vinde ick in mi.
|
|