Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 210]
| |
ℂ Op die selue wise.1.
HEer Ihesus hadde mi wtuercoren
Ouer seuen iaren hier te voren
Ic en wil hem niet laten varen
Hi is in minen sin ghecomen
Ic en wil tegen hem niet sparen
2.
Heer Iesus mijn eygen lief
Gheeft mijnder herten menigen kus
Waer om so willen wi trueren
Willen wij onse herten tot hem keeren
Hi sal ons wel ghebueren
3.
Ic wilde dat mijn hertken ware ghewont
So diep in mijnder sielen gront
So soude ick vrolijc wesen
Wie dat die wondekens maken can
Hi soudese wel ghenesen
4.
Int boeck der minnen staet ghescreuen
Hoe dieper ghewont/ hoe eer ghenesen ||
Waer om so willen wi trueren
Willen wi ons herte tot hem keeren
Hi sal ons wel ghebueren.
5.
Heer vader mocht ic v geuen lof
Daer bouen in mijns heeren hof
Nae mijnre sielen minne
Ic soude v hooger gheuen lof
Dan alle die Cherubinnen
6.
Die Cherubinnen sijn hooge verheuen
Al vol vruechden is haer leuen
Ick ben hier in deser allinden
Rijc God waert uwen wil alsoe
Ghi sout mi wel ontbinden.
|
|