Een devoot ende profitelyck boecxken

N^o. CLXXVII.

ℂ Op die selue wise.

1.
DAer toe dwanck hem der minnen bant
Want Christus gheen genade en vant
Noch ooc gheen en sochte
Hi leedt dat hem te liden stont.
Die heere diet al volbrochte.
2.
Dat leedt hi al om smenschen wille
Hi salt ons loonen al swijcht hi stille
Ten ioncxsten daghen
Dair en sal helpen siluer of gout
Noch vrienden noch maghen
3.
Help rijck heer God wat is dit leuen
Die de werelt hantiert die mach wel beuen
Wij moeten doch steruen
Steruen is onser alder erue
Wij moeten ymmer steruen
4.
O mensce ic hebt v lange geseyt
Siet dat ghi v te tide bereyt
Eer dat ick mi erre
Ic sende mijn boden ondertusscen
Al wone ic seer verre
5.
Helpt ons Maria wt alder noot
Dese werelt te hantieren si is so loos
Haren loon is cranc
Ic wil mijn herte tot Gode keeren
Al sonder bedwanck