Een devoot ende profitelyck boecxken

N^o. CLXXVI.aant.

ℂ Op die selue wise/ sonder den derden regel te verhalen/ want die versen vijf regulen lanc sijn. Oft op die wise Hierusalem is so schoonen stadt

1.
HEer Ihesu wilt ghi mi bi staen
Ick ligghe in quellinghen seer beuaen
Belast met swaren sonden
Mocht ic my noch vermeyden gaen
Al in heer Iesus wonden
2.
Mocht ick mi noch vermeyden gaen
Aldaer die rode rooskens staen
Die lelien en die kerssouwen
So soude die edel siele mijn
Altoos veruruechden wouden
3.
Heere God ic en weet waer henen gaen
Natuere hout mi soe seer gheuaen
Si doet mi dicwils trueren
Den gheest sal noch te bouen gaen
Al sout haer worden suere
4.
Die geest die moet bouen gaen
Nature moet ter neder staen
Sal haer die siele verbliden
In dat hemelsce vaders lant
Al bi haers brudegoms side
5.
Ic sat op eenen auont stont
Ic dacht so diepe in minen gront
Dattet daer seer schoon ware
Al in dat hemelsche conincrijc
Daer ic so gaerne in ware.
6.
Ick sat op een ander tijt
Ic dacht so diepe int herte mijn
Dat rijc soude eewelijc dueren
So wiet hier na besoeten wil
Die moet eerst hier besueren.
7.
Ierusalem is een schoon casteel
Verchiert met soe menich schoon iuweel
Met purper ende met siden
Och mocht die edel siele mijn
Altijs daer in verbliden.
8.
Och mocht de edel siele mijn
Altijt bi haren bruydegom sijn.
So soudick met vruechden leuen
Al daer die reyn maget Maria

[p. 209]

 

⁺

 

So hooghe sidt verheuen.

 

9.

 

Mochte ick noch comen nae deser tijt

 

Aldaer die enghelen maken groot iolijt.

 

Ende al dat hemelsche heyre

 

So soude die edel siele mijn

 

Altoos veruruechden seere

 

10.

 

Mijn gepeys is menichfout

 

Bi wilen heet/ bi wilen cout

 

Dat doet mi dicwils droeuen

 

Had ic heer Ihesum tot eenen vrient

 

Ic soude hem wel behoeuen ||

 

11.

 

Die borgers van Ierusalem

 

Sij volgen dat soete kindekijn

 

Met haren witten stolen

 

Daer na so volgen die maechdekijns

 

Met haer vergulden cronen

 

12.

 

Die dit lieken heeft ghedicht

 

Bidt God dat hi haer siel verlicht

 

Ende alle diet hooren singhen

 

Dat si noch moeten ontsteken.

 

In heer Iesus soete minne.

+ Fo. xcix.^r-Fo. xcix.^v