Een devoot ende profitelyck boecxken

N^o. CLXXV.

ℂ Den derden reghel van elck veers moet verhaelt worden.

1.
Mijn tijt gaet wech/ en ic daer met
Mijn leuen en mach niet dueren
Ick wil mi keeren onbelet
Ick wil mi keren onbelet
Van alle creaturen
2.
Ende allen dingen ledich staen
Dat mi van God mach keeren
Mijns selfs altijt te buten gaen.
Aldoer die minne ons heeren.
3.
Het herte mach wel vrolic zijn
Ten derf hem niet versaghen
Al is hem liden somtijts pijn
God salt hem helpen draghen
4.
Nu laet ons dan een cort termijn
Doer Gode gaerne liden
Want ten sal toch niet langhe sijn
Wi mogen wel hoeflijc striden.
5.
Nature die moet in alder tijt
Haer seluen leeren bedwingen
Want het is dic groot onprofijt
Te cleuen aen aertsche dingen
6.
Al schinet wat ten is so niet

[p. 208]

 

⁺

 

Men wort daer bi bedroghen

 

Alsmen daer af scheyt so eest al verdriet

 

Het is dagelijcx voer oghen.

 

7.

 

So wie sijn sinnen aen Gode keert

 

Die en derf voortaen niet trueren

 

Al wort natuere dicke beswaert

 

Hem sal wel troost ghebueren.

 

8.

 

Van haerder minnen die si draecht

 

In haren gront verborghen

 

Op dat sijt haren minnaer claecht

 

Si en derf voer gheen dinc sorghen

 

9.

 

Die gracie ons heren die is ons bi

 

Bidt dat hy ons verlichte

 

Ende van alle sorghen make vry

 

Ende ooc die dit liedeken dichte. ||

+ Fo. xcviij.^v-Fo. xcix.^r