Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 188]
| |
ℂ Dit is die wise van Het souden drie ghespeelkens goet/ spaceren gaen in dat wout 1.
Wij willen ons gaen verheffen
Bonen alle aertsche dinghen
Ende climmen met onse ghedachten
Al onder die seraphinen
2.
Als wi daer bonen comen
Wat vinden wi daer bereet
Met also claren aenscouwen
Die heylighe driuuldicheyt
3.
Die vader toont ons sinen sone
Die sone den heyligen gheest
Wat mach ons daer ontbreken
Van haerder alder feest.
4.
Dan coemt der sielen engel
Ende brengtse al voerden throon
O Iesu soete bruydegom
Ende weest nu der sielen loon
5.
Dan spreect die moeder tot haren sone.
Sone ontfangt ons dese bruyt
Al wt dat dal der tranen
Is si ghecomen wt
6.
Si heeft so veel gheleden
Bangicheden van binnen
Dat haer doen was verborgen
Gheeft haer dat nu te kinnen
7.
Dan spreect die God seluer
Coemt mijn verwaende bruyt.
Het suchten wt uwer herten
Heeft mi geweest een soet geluyt
8.
Coemt ghi sult ontfangen
Die croone is v bereyt
Ghi en sult nu niet meer liden
Strijt ost eenighe bangicheyt.
9.
Ghi en sult nu nimmermeer liden
This altemael ghedaen
Die winter is gheleden
Den rijm is al vergaen.
10.
Die winter is gheleden
Den rijm is henen ghegaen
| |
[pagina 189]
| |
Die somer is ghecomen ||
Die bloemkens sijn ontdaen.
11.
Dan buycht haer de siele neder
Met so groter weerdicheyt
Te louen ende te dancken
Is si altoos bereyt
12.
Ick ben te cleyn te louen
Den heere van sijnder minnen
Mer ic beueelt den schonen choor
Der engelen/ der seraphinnen
13.
Dan singen alle die maechden
Den ouer soeten sanck
Wi hebben den strijt verwonnen
Des gheuen wi Gode danck
|