Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendNo. CXLIII.aant. 1.
Den lusteliken mey Cristus playsant
Vol alder duechden groene
Is doer den heyligen gheest als nu gheplant
In alle gheloouige koene
Die tot desen meye serijt
Wort van allen sonden quijt
Sijn duecht ende alle sijn leuen
Wil || hem Cristus minnelijc gheuen
2.
Het vriesen het sneeuwen is nu ghedaen
Den winter mach ons niet dwinghen
Die wet des ouden testaments is al vergaen
| |
[pagina 175]
| |
Die liefde moet al volbringhen
Die vast aen Christus liefde cleeft
Ende lief sinen broeder heeft
Als hemseluen/ na Paulus leeren
Hi volbrengt die wet des heeren
3.
Die vogelkens singhen op dat groene hout
So vrolijck onbedwonghen
Dat sijn die engelkens menichsout
Ende alle ghelouige tongen
Die singhen/ glorie sijn
Moet Christo inden hemel sijn.
Pays mannen ende vrouwen
Die op sijn woert betrouwen
4.
Desen meyboom Christus so iuechdich bloeyt
Met duechden menigerhande
Hi heeft ons met dau bespoeyt
Sijn bloet tot eenen onderpande
Comt al die belast sijt/ ende slaeft
Tot mi seyt hi/ ghi wort gelaeft
Ick sal v ontladen van sonden
Mijn iock is licht beuonden.
5.
Sijn goddelijc woert is een ghebloeyet rijs
Daer wij op moeten beeten
Dwelck is beseghelt na Gods aduijs
Met Cristus bloedich sweeten
Hi heeft den helschen viant groot
Die sonde/ ende die eewige doot/
Verwonnen tot allen daghen.
Ende al onsen last ghedragen.
6.
Coemt ter fonteynen die so oueruloedich staet
Wilt vanden water drincken
Het welc int eewighe leuen gaet
Christus wilt ons minnelijc schincken
Want daer vloeyt wt Christus buyck
Leuende water tot onsen gebruyc
Die heylige gheest eersame
Scenct hi om niet/ tot onser vramc
7.
Gheloeft si den meyboom victorieus
Die ons God schanc wt minnen
Wten gheslachte Iuda corragieus
Een leeu niet om verwinnen
Christus dien eewighen mey.
Die maect alle herten vrey
Met sinen gheeste iuechdich ||
Die hem versoecken vruechdich
8.
O Prinche Ihesu/ meyboom ghebenedijt
Soe lustelijck ontploken
Ontfangt ons in v armkens wijt
Aent cruce voer ons ontloken
Ghi sijt onsen troost ende alle ons vruecht
Alleenliken bi uwer duecht
So worden wij deelachtich
In ws vaders rijc warachtich.
|
|