Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise/ oft op Als ons die winter henen gaet/ soe coemt ons aen die coelen mey/ oft op Tandernaken al opten rijn/ daer sach ic twee. &c.1.
ALs Iesus van die siele wil sceyden
Dan drijst si rouwe ende groot misbaer
Die woerden sal ic v gaen bedien
Elck swighe stille/ ende hoort hier naer
| |
[pagina 176]
| |
Elcx menschen herte mach wel wesen swaer
Die dese claghe sal horen
Ic en seg v anders niet dan waer
2.
O waerde Iesu wilt mi doch horen
Dat ick mach beteren mijn misdaet
Ende staet mi bi in corter stont
Ic ben met sonden so seer ghewont
Ende ic moet steruen in corter tijt
Die doot en mach ic niet ontgaen
Ende laten die werelt ende haer iolijt
Aylacy ick en weet niet waer ick sal gaen
3.
Van deser werelt moet ick gaen scheyden
Ende trecken in een ander lant
Minen tijt hebbe ic so qualijck besteedt
Met sonden/ dat is God bekent.
Te steruen moet ic mi bereyden
die doot moet emmer sijn ghedaen
Ick bid der reynder maget maria
Dat si mi wil in staden staen.
4.
O minnelicke God wilt mijnder ontfermen
Al ben ic een sondich wijf
So ghi ontfermde der magdaleenen
Ende anderen sondaren/ dies seker sijt
Ghi hebtse in vruechden seer hoghe verheuen
Daer bouen in die bliscap groot
Van al mijn sonden roep ic genade
Och staet mi bi in mijnder noot.
5.
O mensche wilt ghi tot my waert keeren ||
Ic sal v gerne in gracien ontfaen
Hier bouen in mijn ewige glorie
Sullen v mijn armen sijn ontdaen
Wildy v van sonden wachten
En laten die werelt ende alle haren strijt
Ic sal v so hooghe verheffen
Hier bouen in mijn eewich rijck.
6.
O heere mocht ick daer toe gheraken
So waer mijn herte van sorghen vry
Dat ick die glorie mochte ghenaken
Al daer die seraphinnen sijn
Die bliscap is daer also groot
Men machse bescriuen in gheender wijs
Die schoonheyt gaet bouen al
Die daer staet int paradijs
7.
O Maria roose bloeme
Bidt uwen lieuen sone voer mi
Dat ick sijn aenscijn mach aenscouwen
Daer bouen daer die engelen sijn
Als ic van deser werelt sal scheyden
Want ick en weet tijt noch vre
Hier om soe wil ic huegelijc liden
Al wordet mi noch so suere
8.
O werelt valscer dan fenijn
Waer toe hebdy mi ghebrocht
Ick heb gheleeft na uwen rade
Mer het is alte mael bedroch
Ic waende dat eewich soude hebben gheduert
Nu ben ick gheuallen int svyants strick
Dat heeft haer valsce genoechte ghedaen
Aylacy hoe seere rout mi dit
|
|