Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 173]
| |
No. CXLII.aant. | |
ℂ Dits die wise van Een aerdich vrouken heeft mi bedrogen. 1.
Die werelt erch heeft mi bedroghen
Daer ic op was vergect
Haer smeeckende woerden sijn al ghelogen
Dat vinde ic nu perfect
Si is mi te seer doertrect
Seer dobbel oock van gronden
Dus keer ic mi van haer
Sy payter also vele met haren loosen monde
Ick en achtse niet een hayr.
2.
Och hertekens wilt v sinnekens keeren
Van deser werelt valsch viant
Si sal v plucken/ en minnen leeren
Ia hebdy ghelt wel in v hant
Ick hebber af tverstant
Gact die werelt heel int ronde ||
Ghi vintse heel wanckelbaer
Si paeyter soe vele met haren loosen monde
Ick en achtse niet een hayr
3.
Nu laet ick eenen anderen sinen tijt verquisten
Van sinnen ionck en mal
| |
[pagina 174]
| |
Want met hare bedriegelike listen
Si v wel bedriegen sal
Ende doen v vallen so menighen swaren val
Dits daghelijcx benonden
Met haer hier ende daer
Si payter also vele. &c.
4.
Wat heb ic met haer al tijts versleten
Ic en spaerde ghelt noch goet
Nu ben ic vander werelt vergeten
Haer bedroch yst diet mi doet
Dies ic natuer bedwingen moet
Des bin ic vrolijc in alle stonden
Dat seg ick v voerwaer
Sy paeyter so vele met haren valschen monde
Ick en achtse niet een hayr
|