Een devoot ende profitelyck boecxken

[p. 172]

⁺

+ Fo. lxxxij.^r-Fo. lxxxij.^v

N^o. CXLI.

1.
O Iesu soet/ verleent mi doch consoort
Sterct minen moet/
Druck worpt my ouer boort
Valdy mi discoort/ so en can ick niet voort
So swaer is therte verladen
Bliue ic dus vergoort
In mijn sonden versmoort
So is mijn vruecht ghedaen
2.
Gheeft mi doch raet
Ick ben van troost seer bloot
Aensiet minen staet
Nature brocht mi inder noot
Der werelt vruechde soet
Coemt met ghewelde groot
So diep int herte mijn
Natuerken wert ghenoot
Die gheest biedt wederstoot
Och hoe soude ick blide ghesijn
3.
Iesu en troost ghi mi niet
So make ick groot misbaer
In dit verdriet
Sterne ick die doot tes claer
Want van iaer te iaer
So ben ick in desen vaer
O Iesu lief/ dyen ic noyt en sach
Dat valt natuerken te swaer
Van desen twee weerde paer
Dwelc ick wel claghen mach ||
4.
Maria princersse sier
Mijn hope staet al aen dy
O reyne ende suyuer eglentier
Aenhoort mijns drucx ghescry
Ende staet mi bi
Ende scheyt nu niet van mi
Thoont doch v compassie soet
Mi en ruet hoe dat si
Mach ick comen vry
Bi v mijn liefste goet.