Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise.1.
IEsus ghinc van Bethanien
Met sinen lieuen iongeren
Te Ierusalem inden tempel
Om den volcke te prediken
2.
Wat vant hi in sinen weghe
In sinen weghe staen
Eenen schonen groenen vigheboom
Met bladeren was hi ghelaen.
3.
Iesus sloech op sijn ooghen
Hi sach den vigeboom aen
Hi en conde daer niet aen vinden
Dan alleen veel groene blaen
4.
Iesus sprac met soete woerden
Van nu tot gheender tijt
En sal vrucht van v comen
Ghi blijft van nu vermaledijt.
5.
Als Iesus dat had ghesproken
Ende het woert was wtghegaen
So bleef die groene vigeboom
Al heel drooge verdorret staen. ||
6.
Die iongeren verwonderden alle
Van dat Iesus hadde ghedaen
Dat die scone groene vigeboom
Verdroocht was so saen.
7.
Nu mogen wi ons wel scamen
Als wij ten ordeel sullen staen
Dat wij in alle ons leuen
Gheen duecht en hebben ghedaen
|
|