Een devoot ende profitelyck boecxken

N^o. CXXXIX.

ℂ Op die selue wise

1.
MAria maghet schoone
Ghi sijt een bloeme soet
Verheuen inden throone
Die ons verbliden doet.

[p. 171]

 

⁺ 2.

 

Ghi sijt die ghene alleyne

 

Daer alle minen troost aen staet

 

Van sonden sijt ghi reyne

 

Maria suyuer vat

 

3.

 

Der sondaren medicine

 

Neemt mi in v behoet.

 

Hoe schoon is v aenschine

 

Schoon suyuer maghet soet

 

4.

 

Bidt uwen sone fonteyne

 

Die aenden cruyce hinck

 

Hi sal ons wel ontfermen

 

Die ons sijn minne schinct.

 

5.

 

Toocht ons v claer aenschijn

 

Och hemelsche eewicheyt

 

Verlost ons wter pine

 

Daer wi toe sijn gheneycht

 

6.

 

Wij willen altoos louen

 

Die weerdighe triniteyt

 

Die regneert daer bouen

 

Al inder eewicheyt

 

7.

 

Haer willen wi altijt dienen

 

Met eenen soeten sanck

 

Dat si ons helpe te siene

 

Den schoonen enghelen sanck.

 

8.

 

Nu segghet alle Amen

 

Beyde cleyn ende groot

 

So moghen wij versamen

 

Al in der enghelen hoop

+ Fo. lxxxi.^v-Fo. lxxxij.^r