Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Dit is die wise alst beghint. 1.
Verlangen/ verlangen doet mijnre herten pine
Tot dat ick come al in die hoochste vruecht
Ic en wete gheen beter geen beter medecijn
Dan altijt te dencken/ te dencken op die duecht
| |
[pagina 167]
| |
Aylacy/ aylacy/ aylacy/ aymijn
Sal ick noch langhe van God ghesceyden sijn
2.
Ic heb een liefken lief vernomen
Al binnen al inder sielen van mi
sal god sijn werc in ons becomen
So moet nature verwonnen sijn
Aylaes. &cet.
3.
Om Ihesum wil ic leuen ende steruen
Hi is mijn troost in alder stont
Ick soude soe gaerne sijn ionste verweruen
Ick woude dat hy hadde mijnre herten gront
Aylaes. &cet.
4.
Mijn herte is soe seer beuanghen
Hoet tusscen hem ende mi mach staen
Sijn liefde houdt mi hier beuanghen
Met menigen liden onderdaen.
Aylaes, &c.
5.
Mer ic en wils niet beclaghen
Dat liden maect die siel so schoon ||
Een yegelijc moet sijn cruce dragen
Het is den slotel vanden throon
Aylaes/ aylaes. &c.
6.
Int cruyce wil ic mi verbliden
Wanthi die gerne te saluen pleech
Die sijn cruys met bitter liden
Al sonder salue ghedragen heest
Aylaes/ aylaes. &c.
7.
Och Iesus salue die is so soet
Mer si en mach hem werden niet
Die anderen troost van buyten soecken
Die dragen het cruyce al met verdriet.
Aylaes/ aylaes. &c.
8.
Och woude hem die mensche van sonden keeren
Ende bidden God om sijn gracie soet
So souden wi met onsen teere
Verbliden in sijn glorie soet
Aylaes/ aylaes. &c.
9.
Hi sal ons moeten presenteren
Als wi voer den rechter staen
Ende hi ons sal examineren
Van al dat wij hebben misdaen
Aylaes/ aylaes. &c.
10.
Nu laet ons dit in tijts besluten
Die costelike meester weetet al
Dat int hemelrijcke schuylt
dwelc hi int openbaer condigen sal
Aylaes/ aylaes. &c.
11.
Hi sal ooc wel hebben onthouwen
Ons druc/ ons liden int ghetal
Als elc van ons in groter vruecht
Sijn pelgrimagie offeren sal
Aylaes/ aylaes/ aylaes/ aymy
Sal ick noch langhe van God ghesceyden sijn
|
|