Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
O Bloem van alle maechden
Wilt ghi doch nu ons wesen bi
Om een liedeken te singen van vruechden
Al in die soete eere van dy
O Barbara edel maghet soet
In uwen ionghen iaren
Waerdy wijs ende daer toe vroet
2.
Si dacht dat God der goden
Moeste wesen bouen al ||
Die hemel ende eerde/
Dat is/ ende worden sal/
Ghescapen hadde/ nacht ende dach
God die schoon genobel bloeme
This recht dat ick v noeme
3.
O schoone acoleye
Ghi hebt ootmoedelijc neder gheboocht
V hooft/ ende v sinnen
Dat quam wt wijsheyt groot
Ghi en wout v vaders afgoden
Eeren noch oock aenscouwen
Ghi deet seer wijsselijck
4.
O schoone suyuer bloeme
Op v is neder ghedaelt
Die heylige geest van hier bouen
Te recht sijt ghi ghenaemt
O Barbara edel maghet soet
In uwen ionghen iaren
Waerdy seer wijs en vroet.
5.
O schoone genossel bloeme
Ghi hebt v ghesloten so vast
Tegen ws vaders ongeloouen
Daer ghi seer littel op hebt ghepast
Ghi hebt v ontloken schoon ende wijt
Al teghen die hitte der sonnen
Der heyliger saligher kerstenheyt
6.
Eenen torne seer hooghe
En twee vensteren schoon en bly
Die hebben wel also seer verclaert
Nochtans moste dat derde veynsler daer bi
O schoon lelie der bloemen
Dat was den soeten wille van dy
Och mocht ick bi v coemen
7.
Doen dat derde veynster
Aen den torne stoet
Doen wert v liefste vader
Seer toornich in sinen moet
Wt dyen oorspronc/ so wert dat cont
O edel ghemasde bloeme
Dijns edelen herten gront
8.
O schoon suyuer violette
Ghi hebt v leden gheboocht
| |
[pagina 166]
| |
Onder ws vaders felle sweert
daer na waerdy van god verhoort
Tot uwer eewiger salicheyt
O suyuer maghet seer iolijt
Vercrijcht mi ontfermherticheyt
9.
O schoon roode suuer roose
Ghi hebt v so vast ende wel gheplant
In dat prieel der maechden
Al in dat costelijc hemels lant
Wilt onser doch ghedincken
O edel maghet ghebenedijt
Gods gracie wilt ons schincken
10.
O edel reyn herte der maechden
Des sondaers medicijn
Wilt tonser laetster vren
Onsen troost ende ons bistant sijn ||
Want v minne was also groot
O edel suyuer maghet sijn
Bewaert mi inde vre der doot.
|
|