Een devoot ende profitelyck boecxken

[p. 164]

⁺

+ Fo. lxxviij.^r-Fo. lxxviij.^v

N^o. CXXXIII.aant.

ℂ Dit liedeken gaet op die wise alsoot beghint.

1.
Trueren so moet ic nacht ende dach
Ende liden swaer verlanghen
Om een die ick niet sien en mach
Si hout mijn hert || beuangen
Och si is moeder ende maget fijn
Och woude sy mijnder ghenadich sijn
So en waer ic niet beganghen
2.
Och in wat lande dat ic bin
Si leyt in mijn ghedachten
Daer en mach gheen ander comen in
Bi daghe noch ooc bi nachten
Dat heeft haer claer aenschijn ghedaen
Och woude sy mi in haer herte ontfaen
Ick liet mijns lidens clachte
3.
In alle dese werelt wijt
En weet ick gheen so schoone
O suyuer maghet ghebenedijt
Ghedenct mijns inden throone
Ghi sijt mijn liefste op aertrijc
Ic wil v dienen trouwelijck
Gheeft mi v rijck te loone.
4.
Och rijck God heere hoe wee is mi
Dat ic van haer moet wesen
Och waer ic doch van sonden vri
So waer mijn druck ghenesen
Sy brenghen den menighen in swaer verdriet
Scout die sonden waer ghise siet

[p. 165]

 

⁺

 

Sij sijn so valsch ghepresen

 

5.

 

De werlt moet de werlt sijn

 

Ick wilse laten varen

 

En bidden Maria Gods moeder sijn

 

Dat si mi wil bewaren

 

Al is mijn broossche nature soe cranck

 

Ick hope het sal beteren eer yet lanck

 

O God wilt mi ghesparen

+ Fo. lxxviij.^v-Fo. lxxix.^r