Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
O Heere God leert ons beden
Wt vierigher herten gront
Neemt van ons onse quade seden
Die wij hebben in onsen mont
Een liedeken willen wi singhen
Also ghi ons hebt gheleert
Doet mi mijn herte ontspringen
Dat ic mi leere bedwinghen
So wort mijn vruecht vermeert.
2.
O Heere/ God/ onse vader/
Die daer in die hemelen sijt
Helpt ons nu alle gader
In desen bedroefden tijt
So en worden wi niet bedroghen
Al van dat helsche serpent
Wi worden so haest beloghen
Nu helpt ons God van hier bouen
Die alle herten bekent
3.
Gheheylicht worde uwen name
Toecomende si ons v rijck
Wilt ons doch maken bequame
Ons Christenen alle ghelijck
Dat wi v woort bewaren
Dach/ auont/ ende nacht/
| |
[pagina 161]
| |
En laet ons niet veruaren
Al voer die helsche scharen
Ghi hebbet die meeste macht.
4.
Vwen wil gheschie opter eerden
Also bi inden hemel doet
Dat nemen wij al in weerden
Al yst ons teghenspoet
Gheeft ons verduldelijc liden
In dat onsen wille teghen staet
O heere wilt ons verbliden
Stelt uwen thoren besiden
Ons armen doch niet en versmaet
5.
Ic bid v heere wilt ons gheuen
Dats huden ons dagelicx broot
Daer die siele bi moet leuen
Dat hebben wi meest van noot
Ghi hebbet selue ghesproken
Dat sal ons best versaen
Diet lesen wil die macht soecken ||
Het staet ghescreuen in boecken
En laet ons daer niet af gaen
6.
Wilt ons onse scult vergheuen
So wi onse sculdenaren doen
Op dat wij niet en sneuen
Al in die helsche gloet
Daer wi souden moeten liden
Ende eewich steruen die doot
O heere wilt ons verbliden
In onsen toecomenden tiden
V bermherticheyt is so groot
7.
Ende en leyt ons niet in becoren
Maer verlost ons van alle quaet
Ons vleesch is cranc gheboren
Ten can niet wederstaen
Die werelt wil ons bedrieghen
So dicke op eenen dach
Gods woert en mach niet lieghen
Laet der werelt genoechte vliegen
Die v niet helpen en mach
8.
O here God wilt ontfangen
Van ons dit schoon ghebet
Wi hebben so groten verlangen
Wi worden so haest belet
Wij worden so haest verwonnen
Van alsoe cleynen saeck
Dus sijn wi oude oft ionghen
Elck wacht hem van valsce tongen
So crigen wi in Gods woorden smaeck.
|
|