Een devoot ende profitelyck boecxken

[p. 152]

⁺

+ Fo. lxxij.^r-Fo. lxxij.^v

N^o. CXXII.aant.

1.
AL binnen der hooger mueren
Al van hierusalem
Daer woont een ionghelinc binnen
Mijn herte stel ic aen hem
Want hi is al so schone
Want hi voert eenen name
Die hem || soe wel betaemt
Iesus heet hi
Hi spant der maechden crone iae croone.
2.
Hi heeft twee schoon bruyn ooghen
Si lichten also claer
Daer mede heeft hi ghetoghen
Mijn hertken in hem so naer
In sijnder hoogher conde
Al ben ick hier ghelaten
In deser nederheyt
Sijn aenscijn blinct veel claerder dan die sonne.
3.
Hi heeft. ij. blosende wangen
Ghelijck die schoon roset
Daer mede ben ick beuanghen
Al inder minnen net
Waer om soude ick dan trueren
Ick sal mi seluen laten
In dieper ootmoedicheyt
So mach mi Iesus mijn lief te wille ghebueren.
4.
Ghi maechdekens sult weten
Dat ghi hebt eenen brudegom sijn
Al is hy hooghe gheseten

[p. 153]

 

⁺

 

Een lief is hi ghemeyn

 

Hi is die schoonste veltbloeme

 

So soet is hi van ruecke

 

Ghelijck dat paradijs

 

Mijn herteken is te bat dat ick hem noeme.

 

5.

 

Ghi hertekens van seden

 

Sijt Iesum v lief ghetrouwe

 

Al laet hi v noch beneden

 

Ghi sult hem namaels aenscouwen

 

Stelt v in sijnder proeuen

 

Hi is so soeten minnaer

 

Hi is van groter machten daer

 

Daer mede sal hy v herteken noch doergroeuen.

+ Fo. lxxij.^v-Fo. lxxiij.^r K i