Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise1.
V Beyden doet mijnder herten
Mijnder herten groote pijn
Ick wil mi gaen begheuen
Al in een cloosterkijn
Ick en wil niet langher beyden
V beyden dat doet mi pijn
Ick wil mi gaen begheuen
In een cloosterken wil ick sijn
2.
Ic en wil niet langer beyden
Den tijt en die is hier
Adieu wij moeten scheyden ||
Mijn vriendekens laet ic hier
Al doer die wilde bosscagie
Al ouer dat blacke velt
Daer toe wil ic mi gaen bereiden
In een cloosterken wel ghestelt
3.
Adieu mijn vrienden en magen
Adieu der werelt goet
Nu wil ic gaen draghen
Een wijlken op mijn hooft
Ter eeren Christus doornen crone
Die hi aent cruyce droech
Dat is Iesus Marien sone
Wilt ons houden in v behoet
4.
Adieu alle mijn ghespelinnen
Adieu mijn hertekens goet
Witte cleederen gae ick draghen
Ter eere van Christus doot
Want Iesus was in suuerheyt ontsanghen
Die heere der heeren groot.
Och de werlt valt mi so strange
Ende alder werelt goet.
5.
Nu rade ick alle ionge herten
Die mitter werlt becommert sijn
Dat sy haer willen begheuen
Al in een cloosterkijn
Dat si die werelt laten
Ende dienen der heeren here groot
God wilse houden in staden
Al doer sijn heylich bloet
6.
Mer die dit liedeken dichte
God gheue haer goeden moet
Al is haer herteken so lichte
God houdese in sijn behoet
| |
[pagina 154]
| |
Dat si haer mocht bekeeren
O heere mijn brudegom goet
Wilt mi den rechten wech toch leeren
O heere mijn minneken soet
|
|