Een devoot ende profitelyck boecxken

N^o. LXXXIII.aant.

1.
LAet staen toch v gheclach
Ghi kerstenen fray van sinnen
Laet trueren nacht ende dach
Dat God niet hooren en mach
Noch sijn woort met verdrach
Als Cristus ons eerst aensach
Bestraelde hi ons hert met minnen
2.
Daerom hoort hem naer
Wilt ghi hem sijn gheleken
Ghi siet die waerheyt daer
Spreect vrolijck teghen haer
Haren last en is niet swaer
Maer licht om dragen voerwaer
Want si doet alle last breken.
3.
Alle ons leet met sijn bloet
Heeft hi willen bedwinghen
Dat dede sijn gratie soet
Die alle herten voet
Met trouwe vol liefden goet
Alle sijn bloet nam sinen vloet
Het moste ten wonden wt springen.
4.
Die nacht viel ons te lanck
Wi en conden niet langer ghedueren
Wij laghen int bedwanck
Des viants banden stranck
In duysternissen cranck
Wij wetens hem groten danc
Die ons dlicht heeft laten gebueren
5.
Noch salt eens anders gaen
Den tijt die sal noch keeren
Dat wij worden beuaen
Met blischap sonder traen

[p. 109]

 

⁺

 

Om Cristum dat minnelijc graen

 

Laet ons alle druck versmaen ||

 

Hi sal ons vruecht vermeeren

 

6.

 

Elck die dit liedeken sinct

 

Mint Christum tot allen tiden

 

Die wter scalen drinct

 

Die ons heer Iesus schinct

 

Sijn liden ouerdinct

 

Eer ghi in sijn rijck sprinct

 

Certeyn ghi moet wat liden

+ Fo. L.^r-Fo. L.^v