Een devoot ende profitelyck boecxken

[p. 105]

⁺

+ Fo. xlviij.^r-Fo. xlviij.^v

N^o. LXXX.aant.

ℂ Dits de wise alsoot beghint

1.
In minen sin had ic vercoren
Een suuer maecht na mijn behagen
Scoonder vrouwe en is nye gheboren
Haer || wil ick dienen alle mijn dagen
Daer om en wil ick niet versagen
Ick gheue haer op siel/ lijf/ ende goet
Mocht ic noch troost van haer beiaghen
So waer ic vro daer ick nu trueren moet.
2.
Met haerder reynster minnen strale
Heeft si ghewont mijn herte binnen
Ick beuele mi haer generale
Mach ick ghebruyken haerder minnen
Mijn herte heeft si ende alle mijn sinnen
Want si is alder qualen boet
Mocht ick noch troost van haer van haer ghewinnen
Soe waer ick vro daer ick nu trueren moet.

[p. 106]

 

⁺3.

 

Och mocht ick sienlijck met haer spreken

 

Twaer mijnder herten medicijn

 

Mer lacy neen / het moet ghebreken

 

Des lide ic dicwils grote pijn

 

Mi verlangt soe seere bi haer te sijn

 

Wat wonder yst/ si is so goet

 

Och woude si comen tot minen tot minen lesten fine

 

Soe waer ick vro daer ick nu trueren moet.

 

4.

 

Si heeft een minlijc wesen

 

Si is schoon bouen alle vrouwen

 

Si can alle druck ghenesen

 

Si heeft een vriendelijc aenscouwen

 

Aen haer staet alle mijn betrouwen

 

O suuerlike maghet soet

 

Staet mi bi/ maect dat ic blijf/ || maect dat ick blijf behouwen

 

Soe waer ick vro daer ick nu trueren moet

+ Fo. xlviij.^v-Fo. xlix.^r G i