Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise.1.
O Edel siele wilt v ontwecken
En loefthem die v heeft gemaect
Ende wilt sijn hooghe duecht vertrecken
Op dat ghi altijt na hem haect
Om v schiep hi hemel en aerde
Vier/ lucht/ water/ boomen/ en cruyt
Op dat ghi hem met groter waerde
Sout minnen/ als sijn liefste bruyt.
2.
Al datter leeft/ ende is ghescepen
Vertoont sijn wonderlicke cracht
Op dat eensdeels soude sijn begrepen
V groote liefde/ ende gheacht
Nae dat die mensche God hadde verlaten
Hi heeft hem noch gherepareert
Ende als vader vol charitaten
Heeft hi sijn kind gheaccepteert
3.
Sijn wonder wilt hi sijn vertoghen
Sinen volck dat sinen wille bekent
Hi seyt het is alle mijn verhoghen
Der menschen kinderen te sijn ontrent
Hi heeft ons hier comen minnen
Hi is wt sinen hemel ghedaelt
Ende heeft ons ghebrocht ten hemel binnen
Ende heeft ons wter hellen ghehaelt.
4.
Salich sijn si die in hem betrouwen
Hi is ons troost/ ons toeuerlaet
Wij hopen al op sijn aenscouwen
Hi is der sondaren aduocaet
Hoe snode wij ter werelt comen
Van smoeders beenen/ die ons ontsaet
Sijn bloet wascht af ons verdoemen
Ende een engel ons ooc altijt bi staet.
5.
Alle saken ons begheuen
Als wij comen in die doot
Mer hi is altoos dat eewich leuen
Die ons verlost wt alder noot
Wi nemen hier al ons behagen
Ende ons begeerte inder tijt
Maer weynich vreest men dat eewich claghen.
Want dat brengt alte druckighen strijt.
| |
[pagina 107]
| |
6.
Gheselscap/ eere/ ende feesten
Daer nemen wi in ons melodie
Vergetende die hemelsce geesten
Tgeselscap van Gods ierarchie
Die moesten wi ghedincken
Daer ons eewich verbliden licht. ||
Daer alle glorie in sal blincken
Daer ick nu in eynde mijn ghedicht.
|
|