Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekend
[pagina 103]
| |
ℂ Dits die wise van Een boerman had eenen dommen sin 1.
DIe sinen voet set in eenen || doren
Ende nochtans wel weet te voren
Dat hem droesheyt sal brengen inne
Coemt hem daer af liden oft thoren
Men claecht hem veel te minne e ro minne.
2.
Hier om mijn vrienden voersiet v wel
Wacht v van dese doornen fel
Der werelt/ en haer bedriegen
Si en leert v nyet dan svyant spel
Haer waerheyt is al lieghen
3.
Inden doren sette ic minen voet
Als ict eerst dede het dochte my goet
Dat moet ic nu besueren
Had ic mijn ioncheyt wel behoet
So waer ic nu vry van trueren
4.
Wien sal ic clagen mijn verdriet
Het is mijn schult en anders niet
Ick moet alleene draghen
Al wat ghi doet v wel voersiet
So en hebdy na gheen clagen.
5.
Der werelt vruechde en is nyet dan wint
Wie haer begheert die maect si blint
Dat soete doet si versueren
Vanden man maect si een kint
Sy loont met eewich trueren
6.
Die nu sijn herte ter werelt gheest
Ende nae die ghenoechte sijnder sinnen leeft
| |
[pagina 104]
| |
Ga naar margenoot+Die blijft ongberust van binnen.
Ten is geen wonder dat hi sneeft
Hi en is niet inder minnen
7.
Keert vander werelt eert is te laet
Keert v ter duechden dats minen raet
In God stelt v betrouwen
Eer opter duym de clincke slaet
Ten sal v niet berouwen
8.
Dus singe ic als ic dede te voren
Wacht v van desen fellen doren ||
Der werelt/ ende haer begheeren
Sij worden al bi haer verloren
Die hen tot haerwaert keeren
|