Een devoot ende profitelyck boecxken

[p. 94]

⁺

+ Fo. xlij.^v-Fo. xliij.^r

N^o. LXVIX.aant.

ℂ Op die selue wise

1.
ICk seg adieu
Werelt wi twee wi moeten sceyden
Van een lief nyeu
Wil ick troost gaen verbeyden
Ick laet v Icsu dat herte mijn
Want waer ghi sijt daer moet ick sijn
Tfy vruecht ost pijn / tfy vruecht ost pijn
Altijt moet ick v vry eygen sijn
Altijt moet ick v vry eygen sijn
2.
Mijns sins ghequel
Dat doet mi dicwils trueren
En tvleesch rebel
Wil des gheests vrede schueren.
Maer Iesu ghi brengt mi wter noot
Met liue ghewont aent cruyce bloot
O liefde groot / o liefde groot
V eygen blijf ic tot in die doot.
V eygen blijf ic tot in die doot.
3.
Ick dancke v God
Reyn minnelic God ghepresen
Van allen spot
Dat ghi mi hebt ghenesen
Nyders fel met haer fenijn
Willen ons beletten v blide aenschijn
Op dit termijn / op dit termijn
Altijt moet ick v vry eygen sijn
Altijt moet ick v vry eygen sijn
4.
Myn hope is troost
Die ghi tot mi doet keeren
Heere op my gloost
So sal mijn vruecht vermeeren
Want moste ic v deruen ter noot
Ic bleue verdruct in liden groot
Wanhopich bloot / wanhopich bloot
V eygen bliue ick tot inder doot
V eygen bliue ick tot in mijn doot
5.
Gheenssins van mi
En moechdy sijn ghesceyden
Met gheen dan di
Mach ick mi gaen vermeyden.
In v so vinde ic voetsel sijn
Dwelck maect vroem die siele || mijn
Ende lost wt pijn / ende lost wt pijn
Altijt moet ick v vrij eygen sijn
Altijt moet ick v vry eygen sijn
6.
Ghi sijt een schat
Verciert met allen vruechden
Een costelijck vat
Alleen veruult met duechden
Ghi helpt alleen wt wederstoot.
Die hen op v betrouwen bloot
In alder noot / in alder noot.
V eygen blijf ic tot in die doot.
V eygen blijf ic tot in die doot.