Een devoot ende profitelyck boecxken

[p. 95]

⁺

+ Fo. xliij.^r-Fo. xliij.^v

N^o. LXX.

ℂ Op die selue wise

1.
TEr eeren van hem
Wil ick een liet beghinnen
Gheen droeuer stem
Dan sceyden van sijnder minnen
Alleene doer hem is verwonnen die doot
Noyt grief so groot
Hy en verwan ter noot/ hy en verwan ter noot.
Als therte ghelooft van binnen
Als therte ghelooft van binnen
2.
Och troostelijck greyn
In v en mach niemant clagen.
Alle last certeyn
Hoe swaer het si om draghen
Int swerelts pleyn/ tsy te lande oft ter zee
Ist Ihesu sonder wee
Doer v ghelee/ doer v ghelee.
Ghi maect druc blide draghen
Ghi maect druc blide draghen.
3.
Al yst nu den tijt
Dat v niders regneren
Sterct ons in strijt
Verwint ons persequeren
Die menich benijdt dat ghi alleen vermuecht
Stercken die duecht
In druc maken verhuecht/ maken verhuecht
In pijn doen triumpheren
In pijn doen triumpheren
4.
Quade niders fel
Wilt v te swighen pooghen
Then is gheen spel
Duecht sien met quaden oogen.
Stopt uwen rel/ oft tsal v wesen leet
Te spade/ God weet
Dalder diepste secreet/ dalder diepste secreet
Hi en mach nyet sijn bedrogen
Hi en mach nyet sijn bedrogen
5.
Ghi niders expeert
Secreet ende openbare.
Wacht wel den steert
God yst wel claer gheware
Dattet v deert dat onse herte || op hem staet
Die duecht maect ghi quaet
Dit wel verstaet/ dit wel verstaet
God is iuge ordinare
God is iuge ordinare
6.
God prince eerbaar
Ic danc v met herten van desen.
Dat ghi v woert claer
Maect in mijn herte ghepresen
Tes mijn pylaer/ mijn schilt/ mijn helm/ mijn crijt
In alder tijt/ ende ook de werelt wijt
Die werelt wijt
Salt mijn bescermsel wesen. &c.
7.
Dit is ghedaen
Teghen swerelts fantasie
Om druck af te dwaen
Spijt tsvyants practesie

[p. 96]

 

⁺

 

Al sou men hem vlaen die dit heest ghedicht

 

Hi blijft altijt vast ghesticht

 

In des waerheyts licht/ in des waerheyts licht

 

Doer haer sal hi verbliden. &c.

+ Fo. xliij.^v-Fo. xliiij.^r