Een devoot ende profitelyck boecxken
(1889)–Anoniem Devoot ende profitelyck boecxken, Een–
Auteursrecht onbekendℂ Op die selue wise/ oft op die wise van Pauien1.
DEn gheest is ghewillich / maer tvleesch is cranck
Dat mach ick wel beclaghen
Want ic heb al mijn leuen lanck
Na de werelt gonste ghedragen
Ic en weet nyet wat ic sal bestaen
Ick vinde mi vol ghebreken
Ic heb haer soe menigen dienst || ghedaen
Doer haer wellustighe treken
2.
Vander werelt en can ic mi niet ghesniden
Nature en wil dat niet ghedogen
Vruecht en solaes doet mi verbliden
Daenscouwen met minen ooghen
Venus kinderen houden mi int bedwanck
Om dat ick ben onghebonden
Gheen vruecht en dunct mi wesen lanck
Ionckheyt trect my altijt tot sonden.
3.
De kennisse die ic had ontfaen
Heb ick inder aerden ghegrauen
Ghelijc die quade knecht heeft ghedaen
Ende ben gheworden der sonden slauen
Ic diene de werelt om haer eer
Dat wort mi nu mispresen
| |
[pagina 89]
| |
O vader ic en ben niet weerdich meer
Dat ic v sone sal wesen
4.
Die werelt hebdy in v ghewelt
Haer machte hebdy benomen
Mit haer ben ic so seer ghequelt
Ick en can van haer niet comen
Sy is in mi / ende ick in haer
Alleen hebdyse verwonnen
O heere den strijdt valt my te swaer
Want ick en hebs noyt recht begonnen.
5.
O heere mijn gheest een wapen begheert
Al om die werelt te bestriden
V godlijck woert tot een vierich sweert
Scerp wesende aen alle siden
Een vast gelooue tot eenen scilt
Ende haer verwinnen als ghi wilt
So waer ick gans ghenesen
6.
Prince der princen nu staet mi bi
Dat ic victorie mach verweruen
Dese drie vianden bestormen mi
Mijn siele willen si bederuen
Die werlt / de duuel ongevreest
Ende mijn eygen lichaem mede
Sijn altijt rebel tegen den geest
Dus is mijn siele tonvreden
7.
Die dit liedeken heeft gheordineert
Sijn herte dat leyt bedwongen.
Sijn sinnekens sijn gecorrumpeert
Wt fantasien heeft hijt ghesonghen
Die weerelt en can hi niet wederstaen
Bidt voer hem tallen tiden
Dat hi rechte kinnisse mach ontsaen
Al soude hi daer om liden
|
|