Een devoot ende profitelyck boecxken(1889)–Anoniem Devoot ende profitelyck boecxken, Een– Auteursrecht onbekend Vorige Volgende [pagina 87] [p. 87] Ga naar margenoot+ No. LXV. 1. ADieu natuerlijc leuen mijn Adieu solaes ende alle mijn vruecht Adieu het moet ghesceyden sijn Van al dat ghene dat nu mijn herte verhuecht. Mi en sal niet bliuen dan die duecht Dat ic hier vinde wort mi ontogen Ioncheyt / schoonheyt / solaes / ende alle mijn vruecht Wie dat v mint hy wort bedroghen. 2. Adieu werelt ende v ghesinne Adieu ghi aertsce compaengyen Adieu tes al verloren minne Dat wi beminnen te desen tyen Adieu het is al fantasie Al sidy schone voerden ooghen Tes al verdriet ende bitter lyen Wie dat v mint hi wort bedrogen 3. Adieu is een ontroostelijck woert Gheuoele ick wel in minen moet Adieu ghi hebt mijn herte verstoert Och sceyden ghi my trueren doet Ic hope ghi sult mi wesen goet Als ic hier namaels sal verhoghen Och werelt valsch fe || nijn / al smaect ghi soet Wie dat v mint hi wort bedrogen 4. Adieu dat ic te minnen plach Van v te sceyden dat doet mi pijn Natuere roept o wi o wach [pagina 88] [p. 88] Ga naar margenoot+ Adieu bose werelt vals fenijn. Ghi hadt verblint dat herte mijn Dat ghi mi seyt vinde ick gheloghen Ick meynde het hadde alsoe ghesijn Wie dat v mint hi wort bedrogen 5. Adieu al sidy mi nu arbeyt Maer als die siele van God moet scheyden Och lacy dat is veel meerder leyt Dat oerdeel si dan moet verbeyden Waer sal si haer dan gaen vermeyden Want nyemant en sal haer helpen moghen Dan salsi moeten wenen en screyen Wie dat v mint hi wort bedrogen 6. Aldus dacht ic in minen sinne Tes beter dat ic mi bekeere Eer ick inden strick gheuangen binne Ende dat ick mi keere tot onsen heere Wat soude mi baten der werelt eere Als ick quame in so swaren doghen Dat ick haer hebbe ghedient dat rout mi feere Wie dat v mint hi wort bedrogen 7. Ick bid v bloeme bouen alle vrouwen Maria neemt mi in v behoet Op v staet alle mijn betrouwen Als ic mijn leuen laten moet Dat ghi den viant van mi doet Om mijn verdriet is al sijn pogen Bescermt mi vander hellen gront Die anders mint hi wort bedrogen 8. Maria bloem der amorosen Ghi sijt een tresoor vol alder duecht Ghi sijt vol minnen ghelijck die roose Ghi sijt een prieel / des hemels vruecht Ghi sijt die mi verbliden muecht V langhe deruen brengt mi in doghen Coemt mi te hulpen suyuer iuecht Wie anders mint hi wert bedroghen. margenoot+ Fo. xxxviij.v-Fo. xxxix.r margenoot+ Fo. xxxix.r-Fo. xxxix.v Vorige Volgende
Auteursrecht onbekend Auteursrecht onbekend Auteursrecht onbekend
Auteursrecht onbekend
Auteursrecht onbekend