Een devoot ende profitelyck boecxken

N^o. LXIV.aant.

ℂ Op die selue wiue.

1.
MEt desen nieuwen iare
So willen wij vrolijck sijn
Ons heeft een maghet clare
Ghebaert een kindekijn
Te Bethleem wtuercoren
So ons die scrifture verclaert
Is ons dat kint gheboren.
Die maecht bleef onbeswaert.
2.
Hier bouen wten throone
Is Gabriel ghesant
Tot eender maghet schoone
Al in dat ioetsche lant
Te Nazareth in die stede
Vant hi die maecht alleyn
Hi sprac / God gheue v vrede
Met Gode sidy ghemeyn
3.
Bouen alle vrouwen
Sidy ghebenedijt
By v sal sijn behouwen
Dat Adam heeft ontvrijt
Ghi sult in uwen lichame
Een edel vruchte ontfaen
En twifelt niet hier ane
Die maecht wert seer ontdaen
4.
De maecht wert seer van binnen
Verscrict in haren moet
En dachte in haren sinnen
Wat wesen mocht die groet
Die haer die enghel dede
Want si en hadde niet ghesien
Si sprack ter seluer stede ||
Hoe sal dat moghen gheschien
5.
Die enghel sprack / o reyne
En weset niet versaecht
Ghi sult ontfaen alleyne
Ende bliuen suyuer maecht
Ende baren sonder pine
Dat licht/ der enghelen broot
Des sondaers medicine
Men vant noyt sijn ghenoot
6.
Hoe soude ic kint ghedragen
Ick en bekende gheenen man

[p. 86]

 

⁺

 

Daer om wilt mi ghewagen

 

Hoe soude dat wesen dan

 

Het is bouen naturen crachten

 

Te wesen moeder en maecht

 

Dus truer ic in mijn gedachten

 

Hier om ben ick versaecht

 

7.

 

O suyuer maecht van prisen

 

Waer om sidy versaecht?

 

Die heylighe gheest sal risen

 

In v wel suyuer maecht

 

Die Gods cracht wtuercoren

 

Sal v ter stont omuaen

 

Dat van v sal sijn gheboren

 

Sal Adams sonden af dwaen.

 

8.

 

Elyzabeth heeft ontfangen

 

In haerder ouder tijt

 

Al sijn haer dagen vergangen

 

Reyn maecht ghebenedijt

 

Het is al in Gods vermoghen

 

Dat is / oft wesen sal

 

Dus weest in goeden hoghen

 

Vertroost die werelt al.

 

9.

 

Adam ende sijn ghesellen

 

Die so langhe laghen gheuaen

 

Int voergheburcht der hellen

 

Om dat si hadden misdaen

 

Want Eua hadde verloren

 

Dat aertsche paradijs

 

O suyuer maecht vercoren

 

Lof si v ende prijs

 

10.

 

Die ootmoedighe maghet reyne

 

Viel neder op haer knien

 

Siet hier Gods deerne cleyne

 

Nae uwen woerden moet my gheschien

 

Al doen ter seluer vren

 

Ontfinck die maghet sijn.

 

Den sone Gods sonder trueren

 

Ende baerde hem sonder pijn.

 

11.

 

Te Bethleem wtuercoren

 

Als ons scriftuere ghewaecht

 

So wert dit kint gheboren

 

Van eender suyuer maecht

 

Laet ons hem alle louen

 

Al met die moeder sijn

 

Op dat si ons brenghe daer bouen

 

Daer eewighe vruecht is sonder pijn.

+ Fo. xxxviij.^r